فطيرة الشاورما الشهية من اروووع مايكون طبق جزائري
عنوان الموضوع : فطيرة الشاورما الشهية من اروووع مايكون طبق جزائري
مقدم من طرف منتديات العندليب
بسم الله الرحمان الرحيم
جبتلكم اليوم فطيرة الشاورما هي نوع من انواع لي تورت شهية جدا هكذا نغير من تقديم الشاورما مع الخبز العربي ونقدمها على شكل فطيرة ممكن تقدم كطبق جانبي او كطبق رئيسي مرفقة مع السلطة كوجبة خفيفة خاصة في الصيف.
اولا نقوم بتحضير العجينة
انا هنا استخدمت العجينة السحرية لي سبق وحطيتها موضوع هاااايلة وهذا الرابط
https://www.djelfa.info/vb/showthread.php?t=1305317
نبعد مانحضر العجينة نغطيها ونخليها حتى تختمر ويتضاعف حجمها
في هذا الوقت نحضر الشاورما
بالنسبة لطريقة الشاورما تعلمتها من عند اخت من منتدى اخر جزاها الله كل خير
نقطع صدر الدجاج الى مربعات نضيفلو ثوم بزيادة+فلفل اسود+زنجبيل+ م ص مطارد، فلفل احمر حار+كمون +زوج م ك خل وممكن نعوضه بعصير الليمون+معدنوس مقطع رقيق انا ماكنش عندي من الاحسن نخليها في الثلاجة على الاقل3 ساعات حتى الدجاج يتبل مليح
https://https://cdn.top4top.net/i_34c227b8db1.jpg
ناخذ مقلاة ونحط فيها 3 ملاعق زيت+شوية بصل مقطع نطيبوه غير شوية من بعد نضيف عليه الدجاج لي حطيناه في التتبيلة مع التحريك على نار متوسطة في الاخير نضيف 3م ك مايونيز ولي يحب الحار يضيف شوية هريسة
من جهة اخرى نقشر البطاطا ونقطعها مربعات ونقليها ونخلطها مع الشاورما ونضيف شوية من الكرام فريش تزيدها بنة وتخلي الحشو طري
في هذا الوقت تكون العجينة اختمرت نقسمها الى زوج كويرات
نبسط الكويرة الاولي ونحطها في مول دائري ونثقبها بالفرشيطة
https://https://cdn.top4top.net/i_b4f2870a8e1.jpg
نحط الحشو
https://https://cdn.top4top.net/i_6810594aa71.jpg
ونرجع الاطراف الى الداخل
نبسط الكويرة الثانية ونحطها فوق الحشو ونضغط جيدا على الاطراف
https://https://cdn.top4top.net/i_193d3fee9c1.jpg
نخليها ترتاح لمدة15د ثم ندهنها بصفار لبيض مخلط مع شوية حليب وقطرات خل ونعملها ثقبة في المنتصف وندخلها تطيب في فرن يكون مسخن مسبقا على 200د حوالي 15د وكل اخت والفرن الخاص بها
بعد ما تطيب ننزعها مباشرة فوق مشبك وهذا شكلها بعد ماطابت
https://https://cdn.top4top.net/i_e98a7202761.jpg
https://https://cdn.top4top.net/i_f727c1d32b1.jpg
نقطعها ونقدمها صراحة هااااايلة هاااايلة
https://https://cdn.top4top.net/i_2ed6854c721.jpg
https://https://cdn.top4top.net/i_32307549af1.jpg
ان شاء الله تجربوها وتعجبكم
نتمنى من الاخوات لي تدخل للموضوع تحط رد لاتقرأ وترحل لان مش سهل انك تحطي موضوع بالصور لكن من السهل جدا انك تطلعي على الموضوع من دون رد
في امان الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشاء الله تبارك الرحمن
كما ألفناك يا غالية دائما الجديد و المتميز معك
ربي يفتحها في وجهك وييسر أمورك ويحفظلك عائلتك
تحياتي حبيبتي
__________________________________________________ __________
>>>> الرد الثاني :
haylaaaaaaa hanona ya3tik saha vrm tchahi
__________________________________________________ __________
>>>> الرد الثالث :
بارك الله فيييييييييك مشكورة
__________________________________________________ __________
>>>> الرد الرابع :
يا من أسرت قلوبنا نحط رد والله لوكان لقيت كيف أوفي حقك ما توانيت لحظة واحدة تستاهلي الجننننننننننننننننننننننننننننننننة و النعيييييييييييم أقل حاجة ندعيولك على كرمك لأنك تمديلنا ولا تنتضرين مقابل فربي اهنيك في الدنيا و الاخرة و يجعلك أسعد خلقه كيما راكي تسعدينا شكككككككككككككرا و الله أحببببببببببك
__________________________________________________ __________
>>>> الرد الخامس :
وااااااااااااااااااااااااااااااااااو تشهييييي غدوة ان شاء الله ادا حيانا ربي نديرها للعشااا مرسيييي على الوصفة
