مطلوع بالفرينة بلا عجين وفي المقلة هبااااال من مطبخي
عنوان الموضوع : مطلوع بالفرينة بلا عجين وفي المقلة هبااااال من مطبخي
مقدم من طرف منتديات العندليب
السلام عليكم ورحمة الله وبركاته
رمضانكم كريم
اليوم حبيت نفيدكم بوصفة بزاف مليحة وساهلة والله غير تهنيت من العجين والطاجين
المقادير
500 غ فرينة +م ك سكر +مك خميرة مطلوع +بيضة + سانوج + ماء دافيء +باكي خميرة كيميائية + ملح
نتحصلوا علا عجينةطرية
تخمر 4 مرات
يعني تكسريلها طلوع 3 مرات والرابعة تقرصيها في طراشن
تخليها تخمر
طيبيها في مقلة تاع تيفال
نخليكم مع الصور
https://im86.gulfup.com/w1ByDy.jpg
هكذا تكون
https://im86.gulfup.com/eK0IsI.jpg
هنا رايحة نخليها تخمر للمرة الاولى
https://im86.gulfup.com/oFnn1A.jpg
هنا كي خمرت
https://im86.gulfup.com/iBZnrZ.jpg
بعد مكسرتلها طلوع درت في يدي شوية سمن
انت تحبي ديري زيت انا نحب ذوق السمن
والسبب باه متلصقش في اليد
https://im86.gulfup.com/iBZnrZ.jpg
https://im86.gulfup.com/gb3Wmu.jpg
هنا نقسمها علا 5 قرص صغار خاصة المبتدئات قد يديكم برك
https://im86.gulfup.com/vbeYd1.jpg
نحلها بالحلال رقيقة
ونش الفرينة مشي بزاف
https://im86.gulfup.com/eytyDf.jpg
نخليها تخمر مليح
لما تخمر الى المقلاة وال معندهاش مقلة تقدر ديرها في طاجين المسمن او الفرمسة كيما نقولوا حنا
وتغطيها ببلاطو
https://im86.gulfup.com/ZPvOlN.jpg
https://im86.gulfup.com/0ZmTfs.jpg
هاي ليك كي طابت
https://im86.gulfup.com/ZTxMob.jpg
متصوريش وش خفيف اخف من المطوع الي يندلك
والله غير ريشة
والبنة خير علا المطلوع ويتكل مع كلش اممممممممممممممممممم
هاو ليكم من الداخل
https://im57.gulfup.com/6lRNmI.jpg
https://im57.gulfup.com/pn80fx.jpg
وكيما تقول الهام مش ننصحكم تجربوه لازم بالسيف عليكم لانكم مش راح تقدروا تستغاو عليه خاصة في رمضان والحر تاع الطاجين باي باي
متنساونيش بدعوة خير
كل ما جيو طيبوه اتفكروني بدعوة باهية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسعدني ان اكون اول اللي ردوا عليك..تسلميييييييييييييييييييييي و نشالله نجربوا
__________________________________________________ __________
>>>> الرد الثاني :
بارك الله فيك
هذه هي طريفتي ايضا وفعلا راه خفيف
__________________________________________________ __________
>>>> الرد الثالث :
مممممممممممممم ريحتو وصلتني لهنا يعطيك الصحة أنا اليوم راني مليقة من الطياب غدوة ان شاء الله نجربو
بصحتكم
__________________________________________________ __________
>>>> الرد الرابع :
hada ta3 salima ya3la meme ana jarabto jani hayal
__________________________________________________ __________
>>>> الرد الخامس :
اممم روعة وساهل ربي يحفظك ويجازيك كل خير واكيد نجربو شكرا
