مطلوع بالفرينة بلا عجين وفي المقلة هبااااال من مطبخي
عنوان الموضوع : مطلوع بالفرينة بلا عجين وفي المقلة هبااااال من مطبخي
مقدم من طرف منتديات العندليب
السلام عليكم ورحمة الله وبركاته
رمضانكم كريم
اليوم حبيت نفيدكم بوصفة بزاف مليحة وساهلة والله غير تهنيت من العجين والطاجين
المقادير
500 غ فرينة +م ك سكر +مك خميرة مطلوع +بيضة + سانوج + ماء دافيء +باكي خميرة كيميائية + ملح
نتحصلوا علا عجينةطرية
تخمر 4 مرات
يعني تكسريلها طلوع 3 مرات والرابعة تقرصيها في طراشن
تخليها تخمر
طيبيها في مقلة تاع تيفال
نخليكم مع الصور
هكذا تكون
هنا رايحة نخليها تخمر للمرة الاولى
هنا كي خمرت
بعد مكسرتلها طلوع درت في يدي شوية سمن
انت تحبي ديري زيت انا نحب ذوق السمن
والسبب باه متلصقش في اليد
هنا نقسمها علا 5 قرص صغار خاصة المبتدئات قد يديكم برك
نحلها بالحلال رقيقة
ونش الفرينة مشي بزاف
نخليها تخمر مليح
لما تخمر الى المقلاة وال معندهاش مقلة تقدر ديرها في طاجين المسمن او الفرمسة كيما نقولوا حنا
وتغطيها ببلاطو
هاي ليك كي طابت
متصوريش وش خفيف اخف من المطوع الي يندلك
والله غير ريشة
والبنة خير علا المطلوع ويتكل مع كلش اممممممممممممممممممم
هاو ليكم من الداخل
وكيما تقول الهام مش ننصحكم تجربوه لازم بالسيف عليكم لانكم مش راح تقدروا تستغاو عليه خاصة في رمضان والحر تاع الطاجين باي باي
متنساونيش بدعوة خير
كل ما جيو طيبوه اتفكروني بدعوة باهية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسعدني ان اكون اول اللي ردوا عليك..تسلميييييييييييييييييييييي و نشالله نجربوا
__________________________________________________ __________
>>>> الرد الثاني :
بارك الله فيك
هذه هي طريفتي ايضا وفعلا راه خفيف
__________________________________________________ __________
>>>> الرد الثالث :
مممممممممممممم ريحتو وصلتني لهنا يعطيك الصحة أنا اليوم راني مليقة من الطياب غدوة ان شاء الله نجربو
بصحتكم
__________________________________________________ __________
>>>> الرد الرابع :
hada ta3 salima ya3la meme ana jarabto jani hayal
__________________________________________________ __________
>>>> الرد الخامس :
اممم روعة وساهل ربي يحفظك ويجازيك كل خير واكيد نجربو شكرا
رد مع اقتباس
