عنوان الموضوع : كيف تتحولين من امرءة عادية الى سوپروومن من تجارب المنزل
مقدم من طرف منتديات العندليب

قبل ان ابدء الموضوع اريد التوضيح انه منقول من منتدى مصري ، عجبني الموضوع قلت انقله لتعم الفائدة
تمرين الرؤية :
أغلب برامج التغيير اللي بنبتديها بتفشل عشان مش بنكمل و حماسنا مش بيعدي أسبوع بالكتير و بيخمد من تاني و تبقي كأنك يا أم زيد ما غزيتي ههههه
و السبب بسيييط و هو اننا بنطبق من غير متكون عندنا رؤية طويلة الأمد، يعني أنا عايزة إيه من البرنامج ده، يعني بعد ما أطبقه زي النهاردة من السنة الجاية حياتي هيبقى شكلها ازاي ؟؟
كل وحدة فينا عندها أهداف عايزة تحققها، أنا بقى عايزك تدي للأهداف دي شكل و طعم وريحة ...

التمرين الأول :

- افتحي فايل Excel و سميه Super-woman
- اقعدي مع نفسك واعملي جرد للحاجات اللي مش بتحبيها في نفسك وعايزها تتغير
- اكتبيها كلها كلها كلها متسبيش فتفوتة و صنفيها
يعني مثلاً تحت بند الشخصية تكتبي : أنا عصبية ، بتكلم كتير ، قليلة التركيز
تحت بند الجمال إكتبي مثلاً : الشعر ، باهت و ضعيف و بيتساقط
رجليا خشنة
بشرتي شاحبة ...
تحت بند التدبير المنزلي :
بيحصل اني بسب مواعين العشا في المجلى لليوم التاني
ساعات مش بعرف اطبخ إيه

تحت بند الالتزام الديني :
لا أصلي الفجر
لا أذكر الله إلا نادراً
...
و اكتبي زي ما تحبي
وصدقيني حتتصدمي من كم الحاجات اللي إنت عارفة انك مش راضية عن نفسك فيها بس من غير ما تحسي بتعمليها كل يوم

أنا حشتغل على Excel File حلو و أحطو هنا في الموضوع عشان يبقى عندنا قاعدة شغل وحدة

عايزاكي بعد ما عملتي كده تيجي قدام كل حاجة سلبية كتبتيها و تكتبي إنتي عاوزة تكوني ازاي في الحاجة دي

مثلاً


شعري باهت و خفيف وبيقع >>> شعري ناعم ولامع و صحي وحطي صورة للهدف يعني مثلاً صورة وحدة شعرها حلو قوي
لو مطبخك ديماً مكركب حطي صورة مطبخ منظم ونظيف ويشرح النفس
حولي على قد ما تقدر تحطي صور للحاجات اللي عايزة حياتك تبقى عليها ده مهم قوي
الموضوع طويل لذا قسمته الى اجزاء ؛على حساب الردود( راني نڨسر هاها ها )


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا ترى من هي السوبر وومن ؟؟

بالنسبالي هي الست اللي عاملة توازن في حياتها يعني لو تبصيلها ديماً لبسها كويس وأنيق و مكوي و شعرها حلو وصحي و اديها ورجلها حلوة و ناعمة و لو دخلت بيتها على غفلة تلاقيه نظيف و مريح و مع جوزها قوية بس في نفس الوقت ناعمة وبتتصرف بأنوثة، بتحرص انها تثقف نفسها و تطلع على أخبار العالم و تقرا كتب مفيدة، عندها إهتمامات متنوعة و بتخطط ليومها كويس ...

طب يا بطوط إنحنا مش معترضين على اللي قلتيه ده بس ازاي نوصل لكده إزاااي ؟؟

أنا هقولكو ازاي بس تابعوني .... يا بسم الله


خلوني أسألكو، تخيلو واحد نزل الصبح من بيته وركب العربية وهو مش عارف عايز يروح فين، تفتكرو هيحصلو إيه ؟ حيفضل يلف يلف في الشوارع على غير هدى و هيرجع أخر النهار مهدود من التعب بس معملش أي حاجة، التعب موجود بس من غير فايدة عشان مكنش عندو خارطة طريق، و خارطة الطريق هي اللي طلبت منكو تعملوها في أول تمرين و التعب اللي بفايدة أو من غير فايدة هو التمرين الثاني تحليلك ليومك ازاي بتقضيه.

عيزاكو فعلاً تحسو قد إيه انتو مقصرين في حق نفسكو والناس اللي بيحبوكو، قد إيه في حاجات حلوة ممكن توصلولها بس مش عارفين ازاي، لانكو مش عارفين تغيرو نمط حياتكو عشان كده احنا هنتبع مبدء التغيير التدرجي مش كله من أول يوم ، كل يوم نعمل حاجة بسيطة عشان نفتخر بنفسنا وده هيدينا طاقة عشان نكمل إن شاء الله

المطلوب منكو تنسو الماضي وفشله واخفاقاته و تركزو معايا، إنتي دلوقتي انسانة جديدة والنهاردة أول يوم في حياتك الحلوة الرائعة اللي كلها انجازات و بعد سنة إن شاء الله هتلاقي في نفسك كل الحاجات اللي تحلمي بيها إن شاء الله

تابعوني بعد شوية هكلمكو عن أسرار التميز و الهمة العالية

__________________________________________________ __________

>>>> الرد الثاني :

merciii pr le sujet mais kon hata ja bedarja ta3na

__________________________________________________ __________

>>>> الرد الثالث :

كملي رائع والله احنا بحاجة ليه

__________________________________________________ __________

>>>> الرد الرابع :

كملي حبيبتي والله هذ المراة راها قالت غير الحق

__________________________________________________ __________

>>>> الرد الخامس :

ههههههههههههههههههههههههههههههههههههههههههه