عنوان الموضوع : مايوناز من مطبخي
مقدم من طرف منتديات العندليب

السلام عليكم اليوم
درت مايوناز وهي وصفة سهلة واقتصادية الاكيد انو الكثير يعرفوها لكن هاذا منتدى وفيه مبتدئات وبما اننا نستعملو المايوناز في السلاطة كثيرا واللي تباع غالية وقليلة هاذي احسن
الوصفة تحتاج 4 بيضات
2 كاملين و2 اصفر وعصرة ليمون وملح نصف ملعقة قهوة و2 ملاعق خل واللي يحب ممكن يظيف الفرماج

نحط المقادير في الروبوماعدا الخل نتركه في الاخير لكي تصبح بيضاء

ونغل الروبو مدة 3دقائق ونضع الطاس الضغير اللي يجي في القفال تاع الطاس ويكون منقوب نمليه بالزيت ونخليه يسيح بالشوي والروبو شغال



هاهي هنا لما بدات تحكم روحها والروبو ابتدى يتعمر لاكن مزال نبقاو نضيفو الزيت الى ان يملا الروبو بالمايوناز

في الاخير ضيفي الخل لكي تبيض المايوناز واللي يحب يمكن يضيف الفرماج واللي يحبها يابسة ولا مثل ما نقولو مكبدة يخيليها شوي في الروبو ويحل يشوف الى ان تصل الى الكثافة المرادة

وهاذي الكمية اللي درت الاكيد انها ما تكونش بنينة مثل مايوناز ليسيور لاكن مفيدة وزاكية


اتمنى نكون افدت ورايكم يهمني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة


__________________________________________________ __________

>>>> الرد الثاني :

ااممممممممممم يعطيك الصحة يابنت بلادي هذي مدة وانا نحوس على وصفة مضمونة
بربي انشاء الله نجرب طريقتك و كان غير تصلحلي كيما انتاعك جاء يهبل روعة

__________________________________________________ __________

>>>> الرد الثالث :

درتي كمية كبيرة
ما تفسدلكش؟
انا ندير بيضة وحدة وكي تكمل نزيد نخدم


__________________________________________________ __________

>>>> الرد الرابع :

ربي يبارك فيك يعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة الأمنيات
ربي يبارك فيك يعطيك الصحة

وفيك بارك الله امنيات