عنوان الموضوع : مايوناز من مطبخي مونية ك طبخ جزائري
مقدم من طرف منتديات العندليب

السلام عليكم
جبتلكم اليوم طريقة عمل مايوناز كيما نديرها انا ماشي منقولة
تجيبي
3 صفار بيض
2 كيسان زيت
ملح
فلفل اسود
سنة ثوم
خل
جبن 2 حبات

بسم الله تبد
تبداي اول شي تضربي البيض ديري فيه غير الملح ورشة فلفل لكحل وثوم ترحيه مليح وتبداي تضربي مليح بالباتور وماتحبسيش
حتان تشوفي البيض ولى فاتح اللون وطلع شوية
درك هنا بلا ماتحبسي تبداي تحطي في الزيت شدي مغرفة صغيرة وفرغي الةيت في طبسي نتاع شربة وابداي ارفدي من اللول مغرفة صغيرة وكملي تضربي ماتحبسيش
وكل مرة تزيدي مغرفة مي بصح بلا ماتحبسي اذا حبستي راح تخسرلك هذا هو سر المايوناز
وكي تبدا تطلعلك المايوناز وتشوفيها تقالت في يدك ديري مغرفة صغيرة خل وكملي ضربي
وبالتناوب ساعة الزيت وكي تثقال ديري الخل حتان تكمل يقع الزيت اللي عندك وكي تكملي ديري الخل مغرفة ولا مغرفة نتاع عصير القارص ماتكثريش بزاف الخل سي نون تولي قارصة ديري بالقيس
و في الاخير حطي الجبن وزيدي ضربيه معاهم مليح
وتقدري تزيدي الموتارد اذا حبيتي في الاخير وخلاص ينتهي العمل
هي تشد اليد مي يطلع مليح


وجتمي يخسرلك ولا ييبس من الفوق كي تحطيه في الفريجيدار
وشهية طيبة تقدري تديريه حتى كاسكروطات
ان شالله نكون شرحتلكم مليح وفهمتوكيفاش واللي مافهمت مليح تقولي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك اختي

بارك الله فيك

__________________________________________________ __________

>>>> الرد الثاني :

صحيتي حنونة

__________________________________________________ __________

>>>> الرد الثالث :

بارك الله فيكي أختي راني نجربها ان شاء الله ونرجعلك لخبر

__________________________________________________ __________

>>>> الرد الرابع :

كي يلتي الزيت بالكاس نتاع الماء

__________________________________________________ __________

>>>> الرد الخامس :

انا واش ندير نحط الزيت القرعة قدامي ونبدا بشوية خاطرش والفتها وليت نديرها بكيل نتاع عيني
اما اللي مايعرفش ويخاف يدير كاس نتاع الما يكل بيه ويرفد بالمغرفة الصغيرة باش ماتغلبكش وتخسرلكم المايوناز