سردين في الكوشة من كوزينتي طبق جزائري
عنوان الموضوع : سردين في الكوشة من كوزينتي طبق جزائري
مقدم من طرف منتديات العندليب
سلام عليكم اليوم درت سردين للغدا في الكوشة بنة روعة وتغيير نشالله يعجبكم نخليكم مع الصور والشرح
نوجد السردين تاعي بعد مانضفتو وخليتو شوي في ماء مع الخل نحيلو العمود الفقري تاعو ونرحي النصف لكبير تاعو مع راس ثوم لازم الثوم تكون بزاف و2 مغارف صغار كمون وشوي فلفل أسود وملح ومعدنوس نخليهم بجيهة ونوجد من جهة أخرى صوص طوماط أي نرحي 4 طماطمات مع راس ثوم و2 مغارف كبار كمون و3 مغارف كبار زيت الزيتون ومغرف كبيرة زيت عادي و 2ورقات رند نخليهم حتان طيب الطماطم لازم ماتنشفش بزاف من الماء تاعها وهك نوجدو المول تاعنا وندهنوه بالزيت الزيتون وندير طبقة طماطم وطبقة سردين وطبقة طماطم والسردين المرحي أكل نعملو في الوسط ونزيد طبقة طماطم وطبقة الأخيرة تاع السردين وطبقة طماطم ونغلفو بالسيلوفان ونطيبو على نار قاوية حتان تنقص عندنا الصوص ونحيه ونعصر عليه شوي قارص ونقدمو والصور يوضحو أكثر
نشالله نكون وفيت ويكون الطيق عجبكم واسمحولي كثرت الصور
P2904130017.jpg (11.0 كيلوبايت, المشاهدات 1107) P2904130020.jpg (10.4 كيلوبايت, المشاهدات 1004) P2904130025.jpg (11.0 كيلوبايت, المشاهدات 1004) P2904130031.jpg (11.2 كيلوبايت, المشاهدات 1013)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يبان هايل الله يبارك ويعطيك الف عافية
__________________________________________________ __________
>>>> الرد الثاني :
امممممممممممممممم هااااااااااااااااااااااااايل يا أم محمد بصحتكم عزيزتي
__________________________________________________ __________
>>>> الرد الثالث :
الله يسلمكم يالغاليات
__________________________________________________ __________
>>>> الرد الرابع :
الله يبارك يبان يشهي بصحتكم عزيزتي
__________________________________________________ __________
>>>> الرد الخامس :
نموت على السردين تسلم يديك راكي غير قدامي افلكسيلي شوي
رد مع اقتباس
