عنوان الموضوع : غراتان البطاطا و الدجاج مممممم من مطبخ ليزابال المطبخ الجزائري
مقدم من طرف منتديات العندليب



حبيباتي هذي وصفة سهلة و بنييييينة


صدر دجاج منزوع الجلد
2 بصلات صغار
زيت
بطاطا حسب أفراد العاءلة
ملح فلفل اسود عود قرفة كمون جوزة الطيب
فرماج رابي كمية مليحة نوعية جيدة نقسمه الى نصفين
ونحضر صلصة البيشاميل


في كاسرونة نحط م ك مارغرين و ملعقتين نشاء أي مايزينة و نحطها فوق النار و. نحرك بملعقة خشبية ملييييح و نبدأ نضيف الحليب على حساب ما تعقد الصلصة لازملها تكون ثقيلة و نضيف الملح و الفلفل الأسود أو جوزة الطيب و نصف كمية الجبن المبشور و نستعمل الضراب اليدوي



في طاجين أو كوكوطة إذا كنت مزروبة نحط شوية زيت حبة بصل مقطع شراءح صدر الدجاج نتبل بالملح و الفلفل الأسود و القرفة نقلي شوية و نمرق نغطيه و نخليه يطيب حتى تعقد الصلصة نحي الدجاج و نخليه بجهة يبرد و الصلصة نخليها خاطرش نحتاجها من بعد
نقي البطاطا و نغسلها طبعا نقطعها دوائر و نقليها و نحطها مباشرة فالسنيوة لي راح نطيب فيها الغراتان
ما صورتش هذه الخطوات خاطرش باينين
نروح للدجاج نفتته و نحيله العظم طبعا و نوجد مقلة فيها شوية زيت نرابي عليه بصلة صغيرة و فصين أو ثلاثة ثوم نحطها على نار اقل من متوسطة و نزيد عليهم الدجاج لي فتته نضيف شوية ملح و فلفل اسود و نصف م ص كمون و نقلب مليح حتى يتشرب كل النكهات




نستف البطاطا بطريقة مرتبة بحيث تكون هي القاعدة ندير فوقها النصف المتبقي من الجبن المبشور أو جبن قطع او الاثنين معا ومادام نكثر مادام افضل انا ماكانش عندي بزاف الجبن و نزيد فوقه الدجاج لي حضرناه و نسقي كامل الوجه بالصلصة الباقية لي طاب فيها و أخيرا نغطي الكل بصلصة البيشاميل و نعدلها مليح بالملعقة و ندخلها لفرن ساخن على 220 درجة مدة ربع ساعة الوقت لي الغراتان يتشرب الصلصة تاع الدجاج و من بعد نشعل الفرن من فوق باش تتحمر صلصة البيشاميل و نعسها لا تنحرق
نخلي الغراتان يريح عشر دقاءق او ربع ساعة قبل التقديم و النتيجة ممممممممم بنة لااااا تقاوم




ملاحظة: تقدري تستعملي اللحم المرحي و تطيبيه بطريقة الحشو تاع البوراك و لكن انا نفضل الدجاج خاطرش نستعمل الصلصة تاعه باش الغراتان ما يجيش ناشف




نتمنى تعجبكم الوصفة و تجربوها ما راحش تندمو و سلامي للجميييييع



واخيرا و ليس آخراً دعوة خير بزاااااف عليا و الى اللقاء في وصفات اخرى بإذن الله




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تبارك الله اختي شكرا على الوصفه

__________________________________________________ __________

>>>> الرد الثاني :

تسلم ايديك عزيزتي ليزابيل تبان لذيذة

__________________________________________________ __________

>>>> الرد الثالث :

شكراااا حبيباتي الامنيات و ام رياض على التشجيع
فعلا لذييييذ جداااا مممم ههههه

__________________________________________________ __________

>>>> الرد الرابع :

امممممممممممممممممم يعطيك الصحة ليزابال

__________________________________________________ __________

>>>> الرد الخامس :

bayna bnina ya3tik sa7a