عنوان الموضوع : انا محتاجة مشاورتكم تم حل المشكلة
مقدم من طرف منتديات العندليب

السلام عليكم تعرفت على شخص حسب ما سالت عنو قالو متربي وخلوق المهم مقبول الشكل وهو مهندس لكن ليس مترسم مع العلم اني عاملة الحمد لله في اطار جيد اراد ان يتقد ليخطبي فترددت لانو هو باني فوق دارهم وقالتلي صحبتي امو صعيبة ما فهمت واشاندير ساعدوني ارجوكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خليه يتقدملكوصلى صلاة الاستخارة و اسألوا عنه جيدا
و ما يكون غير الخير

__________________________________________________ __________

>>>> الرد الثاني :

السلام عليكم اختي
اولا واش يخصو الله يارك راجلو خدام ومافيهش حاجة تعيبو يعني اكيد
اما صحبتك قوليلها علاه اللي عندو يماه يرميها او إنت يماك ترميها
يا أختي ماكانش راجل بلا اهلو معناها إستناي اللي اهلو ميتين كلهم وتزوجي بيه لازملك تتحملي اختي هو راح يبني فوق دارهم معناها مستقلة في دارك وامو معاك فالطابق الارضي عادي من راي اقبلي كان ما فيهش العيب وخلوق وعاقل ما تشوفيش لأهلو ولكلام الناس صحبتك هذي عاشت معاهم شكون راهي عاقلة كامل رانا صعابات نكذبو على رواحنا علاه حنا رانا عاقلات نعرف ثاني بنات دارو الكحلة من التوت في عجايزهم و يماها خط احمر
اختي ديريها يماك وديري دارك وخليك من القيل والقال ممكن يكون راجل ومتاصل وخلوق وتندمي عليه
موفقة

__________________________________________________ __________

>>>> الرد الثالث :

شكرا لكم لكن صديقتي يقربوللها هوا ماهوش مترسم بصح انا عجبلي ما يكدبش

__________________________________________________ __________

>>>> الرد الرابع :

مادام مو صعيبة ثبتي روحك بزاف وسقسي تكرهلك لمعيشة ...


__________________________________________________ __________

>>>> الرد الخامس :

ولما لاتقرئيها من جانب آخر ان هذه صاحبتك او زميلتك تريدك ان ترفضي لغرض ما فاختلقت هذا السبب او الحجة
كما سبقوني الاخوة والاخوات
دعيه يتقدم لخطبتك وفي مدة الخطبة يسال اهلك عنه بدقة وصل صلاة الاستخارة