عنوان الموضوع : محتاجة الى تفسيير تم حل المشكلة
مقدم من طرف منتديات العندليب

السلام عليكم
انا تزوجت براجلي في بيت عمو كانت الامور عادي بعد مدة بدات تصرا مشاكل بزاف معايا وزوجة عمو وكنتها وكانوا دايما يخرجوني الغالطة حتان امات الهدرة في الاخير قرر زوجي انو يخرج وطلب من عمو لمربيه الاذن فكان كذلك.
من بعد اصبحو مايمشوش ليا حتى العالة الكبيرة مكانش مافهمت فيها والووووو
مانيش عارفة السبة واش هي زوجي موظف كان دايما يعرضهم ويحلل فيهم خاصة عماتو مايقدروش يجو ودائما يعتذروا باسباب واهية.......
حتى اختو ولات كنة لزوجة عمو متقدرش تجي ولو دقيقة واحدة مانيش فاهمة علاش هذا البغض والكراهية رغم اني مادرتلهم ولاشئ بالعكس كنت نخدم فيهم مليح منين كنت ساكنة عندهم حتى اولادي مايعرفوش عائلة زوجي...
انا كنت دائما نمشيهم في المناسبات وغيرها وكشفت منهم هذا الشئ قررت نحبس
واش رايكم؟؟؟؟؟؟؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كيما يقول المثل
اللي باعك بالفول بيعيه بقشورو
نتيا خليك على نيتك وريهم الوجه المليح وتعاملي معاهم مليح
كي يشوفك هكا راح يتحرك ضميرهم يحسوا بلي راهم غالطين
مشي عندهم للمناسبات صفطيلهم عيلك يزوروهم رديها فيهم

__________________________________________________ __________

>>>> الرد الثاني :

السلام عليكم
روحيلهم عادي واعريضهم كانه شيء لم يكن. في الاخير رايحين يولو يبسو رجليك صدقيني. لان الدنيا دوارة. رايحين يرجعو ليك ويحللوك ويعرضوك. فقط انت حافظي على علاقتك بزوجك وروحليهم واعرضيهم كل ما تعريضهم رايحين يزيدو يصروا على عدم الحضور لكن يوصلو الى حد معين ويولو ليك وانا متأكد من هذا.

__________________________________________________ __________

>>>> الرد الثالث :

مكان حتى تفسير هذا المشكل تاع تقريبا كل الجزايرين(حشا لميتاهلش) عندهم سياسة فرق تسد مديري والو في بالك يعياوهما يجيووحللو خاصة وان ضميرك راه مرتاح

__________________________________________________ __________

>>>> الرد الرابع :

روحي عندهم عادي ماتقطعيهمش
و ارض ربي و معى الوقت يرضاو عليك

__________________________________________________ __________

>>>> الرد الخامس :

لازم ما تعاملهمش بالمثل ، زوريهم ارضاء لله عز وجل:
عن أبي أيوب الأنصاري- رضي الله عنه - أن رجلاً قال للنبي صلى الله عليه وسلم : أخبرني بعمل يدخلني الجنة . فقال النبي صلى الله عليه وسلم : (( تعبد الله،ولا تشرك به شيئاً،وتقيم الصلاة،وتؤتي الزكاة،وتصل الرحم)) البخاري-الفتح3(1396) واللفظ له ، ومسلم (14) .