عنوان الموضوع : الي الشافة ام رامي اعطيني طريقتك في تحظير البوراك طريقة جزائرية
مقدم من طرف منتديات العندليب

مسا الخير حبيبتي راني حاصلة في تحضير البوراك و معرفتش النوع فيه ان امكن تعطيني طريقتك في الحشوة و طريقتك في تشكيل البوراك الي مثلثات واي شكل اخر ونزيد انتعبك لوكان تحطينا الصور ومادام رانا في شهر رمضان المعظم نظن بلي راكي تحضري فيه اضافة انا مولعة بطريقتك في الطبخ يااحلي شافة . اشكرك مقدما


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

Om rami repond moi s v p

__________________________________________________ __________

>>>> الرد الثاني :

انا جربت واحد الحشوة لقيتها في واحد المدونة خرجتلي فور ديري 10 حبات فرماج لافاش كبري +3 مغارف حليب+بيضة+ 3سنينات ثوم ديريهم في كسرونة وعلى نار هادئة حنى يدوب الفرماج و يتقال الخليط و تكوني موجدة لحم مرحي طيبيه في شوية زيت .نخلطي اللحم مع خليط الفزماج و عمري بيه البوراك و قلي البوراكات في حمام زيت يجي formidable الدار كامل عجبتهم

__________________________________________________ __________

>>>> الرد الثالث :

merci khti rayha njarab el tarika lyoum nchallah saha ftorkom

__________________________________________________ __________

>>>> الرد الرابع :

السلام عليكم انا عندي بوراك بالدجاج روعة روعة في المذاق
حبة بصل مرابية
سنة ثوم
معدنوس
مغرفة زبدة
فلفل اكحل +ملح
قليهن مع بعض وغطي المقلة تاعك باه تذبل البصلة مليح كي تدبل مره
احكمي صدر دجاج قطعيه مربعات صغار ولوحيهم للبصل وغطيه وخليه يطيب
ومره على مره حركيه كي يطيب كامل وينشف لوحيلو 5 حبات فرماج لافاش كيري ولا لي عندك وخلطي كلش مع بعض وديري في الديول تاوعك واقليه
تقدري حتى توكليه بلا الديول لشدة البنة نتمنا تجربيه وترديلي والله روعة
(وتقدري تديري مكان الدجاج الكفتة )

__________________________________________________ __________

>>>> الرد الخامس :

merci okhti baraka ellah fik