عنوان الموضوع : مدربل البدنجان بطريقتي طبق جزائري
مقدم من طرف منتديات العندليب




جبتلكم طبق المفضل عندي ونموووت عليه ههههه وخاصة بكسرة أو المطلوع وقلت ندير الوفة هاذي تشوفو المدربل على طريقتي

بالنسبة لصلصة الطماطم نحتاج { حبة بصل صغيرة شوي ، حبة طماطم كبيرة ،2 فصوص ثوم، م ص ملح، م ص فلفل أسود، م ص هريسة } حطيهم يطيبو ومن بعد ميكسيهم واذا حبيتي ضيفيلهم طماطم مصبرة وخليها على جنب


قشري 2 حبات بيدنجان ونقطعوهم شرائح ونملحوهم مليح باش يخرج الماء وكي تقليهم مايهزش الزيت ونخليهم ساعة


وهاذا من بعد ما غسلتو ونشفتو باش نقليه


نحتاج كمية من اللحم المفروم + فص ثوم + ملح+ فلفل أسود +فلفل أحمر + قرصة قرفة + zest de citron + حبة زرودية مرابية


في المقلاة حطي شوي مارغارين تذوب وحطي اللحم + الثوم+وانا زدت نصف حبة فلفل أخضر مقطع اذا تحبي مديريهش + التوابل وحركي ومن بعد زيدي الزرودية



وهاهو البدنجان وصلصة الطماطم واللحم المفروم ومول لي راه ديري فية باش نحطوه في الفرن


في المول نحط شوي من الصلصة


وبعد البدنجان


ومن بعد اللحم المفروم

ونغلفوه بورق الالمنيوم وندخلو للفرن سخون لمدة 40 د


وهاهو المطلوع وجدتو


وهذا طبق المدربل



جربوه واعطوني رايكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

روعة لادي يعطيك الصحة و بصحتكم فحلة الله يبارك .... قوليلي شحال في عمرك ؟؟؟؟

__________________________________________________ __________

>>>> الرد الثاني :

يبارك فيك يا لحبيبة بصراحة هاذ الحساب لي راني نشارك بيه نتاع أختي وهي مديرش بيه عطاتهولي عمري 23 سنة

__________________________________________________ __________

>>>> الرد الثالث :

وعليكم السلام ورحمة الله وبركاته


يعطيك الصحة حنونة

__________________________________________________ __________

>>>> الرد الرابع :

شكرااااااااااااااااااااااااااااا444444444444

__________________________________________________ __________

>>>> الرد الخامس :

شكراااا
يبان بنيييين يعطيك الصحة