عنوان الموضوع : تورت بالسلق طبق جزائري
مقدم من طرف منتديات العندليب

العجينة استعملت 250غ فرينة 3 مغارف كبار زيت نصف ملعقة كبيرة خميرة مطلوع نصف ملعقة سكر ملح ونبللها بالحليب دافئ بالشوو برك اعجنيها شوي واقسميها على زوج بصح تكون وحدة كثر من وحدة وخليها تخمر نجيو الآن للحشو قليت صدر تاع جاج مقطع مربعات صغيرة وكانت عند شوي لحم مرحي زدتلو ملح فلفل اكحل نكون غسلت السلق ونشفتو نقطعو بالموس رقيق بزاف ونلوحو فوق الجاج ورقة رند كمية من الثوم المرحي كي يذبل مره وتحسيه طاب طفي عليه وافرمي كمية مليحة من المعدنوس ولوحيها وحركي نجيبو طاوة نحط فيها كاس حليب بارد مغرفة فرينة وقطعة من 50الى 100غ جبن ابيض طري مقطع مربعات صغيرة ونحرك بارد في بارد ونحطوه فوق النار مع التحريك المستمر حتى تتحصلي على صلصة عاقدة ضفيلها شوية ملح بصح بالعقل على الملح علابالكم بلي السلق مالح ونخلطها مع الحشو ونخليه يبرد نروحو للعجينة نحلوها رقيقة وثقبها بالفرشيطة ونضع الحشو عليها ثم العجينة الثانية نحللها ونحطها من الفوق ونحكم الحواشي مليح وندهنها بيضة والزيتون من فوق اختياري وندخلها للفور نتمنى نكون افدتكم.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممممم يا سلام وصفاتك دائما مميزة بارك الله فيك ننتظر المزيد من ابداعاتك

__________________________________________________ __________

>>>> الرد الثاني :

يعطيك الصحة ام مصعب تهبل
انا من الصباح عبرتلك على مشاعري تجاهها

__________________________________________________ __________

>>>> الرد الثالث :

شكرا ام طيري الجنة شهادة اعتز بها

__________________________________________________ __________

>>>> الرد الرابع :

يعطيك الصحة ام مصعب باينة رائعة انا تانى كى شفتها فى فسم واش طيتى عجبتنى وكنت ننتضر الوصفة
اول مانشرى السلق نجربها
ياعمرى على هذاك البيبى الى فى الصورة ربى يحفضو يارب بوسيهولى

__________________________________________________ __________

>>>> الرد الخامس :

يسلمك حبيبتي دائمة الحمد