عنوان الموضوع : ديسار بنين على طريقتي قاطو جديد
مقدم من طرف منتديات العندليب

هذا الديسار اخذنه من طريقة الاخت ام سامي واللي اشكلرها جزيل الشكر لانها اعطاتلي الاساس وانا غيرت منو على حساب ذوق العائلة


1- الجينواز

5 بيض + 150 غ سكر + فاني وضربي مليح مدة 10 د بعدها وقفت الضرب وزيدي 200 غ فرينة + 50 غ كاكاو + 1 خميرة و شوي ملح وماتنسايش انخلي الموكونات باش تنجحلك الجينواز وتطلع مليح وحطي في الفور

2- العصير

حبيت يكون طبيعي برتقال + ببلوموس + القارص مع الماء والسكر

3- فواكه مشكلة انا درت فراز وبنان

4- كريمة الليمون

1 ونص كاس ماء + 1 كاس سكر + نص كاس عصير القارص و 3 ملاعق نشا + زاست تاع القارص فةق النار مع التحريك المستمر بعدها زيدي 3 صفار بيض ورجعي شوي فوق النار وطفي وزيدي شوي زبدة باش تعطيلها لمعان

5- الشانتي

100غ شانتي بودرة + 1 كاس حليب بارد جدا انا درت حليب بقرة جاني روعة المذاق + نصف ملعقة سكرة ارطب وضربي مليح

الطريقة

اسقي الجينواز بعدما تفتتيها بالعصير وديري في كاس التقديم

الكريمة ثم الجينواز ثم الشانتي والفواكه وبعدها الجينواز وكريمة القارص والفواكه واخيرا الشانتي وذري من الفوق الوكاو المحمص مليح والمرحي خشين يجي حطى شكل ومذاق

ونخليكم مع الصور وان شاء الله تعجبكم ونزيد نشكر ام سامي على الفكرة انتاعها اللي بيها درت انتاعي طبعا مع التغير


وهذا لام سامي 15









>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممممممممممممممممممممممم يعطيك الف صحة

__________________________________________________ __________

>>>> الرد الثاني :

الله يعطيك الصحة
روعة
بارك الله فيك

__________________________________________________ __________

>>>> الرد الثالث :

بارك الله فيك

__________________________________________________ __________

>>>> الرد الرابع :

رااااااائع شكرا

__________________________________________________ __________

>>>> الرد الخامس :

شباب يعطيك الصحة و يبان ساهل