عنوان الموضوع : سؤال محيرني مشكلة
مقدم من طرف منتديات العندليب

السلام عليكم
راني حابة نفهم حاجة وحدة و ككل البنات و اكيد هاد السؤال راه يدور في راس كل وحدة فينا و موجه بالخصوص للرجال علاش يرحم باباكم تجرو من ورا البنت و تخلعوها بالكلام المعسول و تغمروها من ساسها لراسها وعود و ترجعولها لون الدنيا وردي و تقولوها مانقدرش نعيش بلا بيك و انتي و انتي ............ حتى هي خلاص تحسب روحها ملكت الدنيا و نهار الي تطلب من هاد الشخص الحلال و تقولو خلاص كي ولات هاكدا ارواح تخطب تقول ضرباتو تريسيتي صدمة عمرو يولي انسان وحدوخر رغم انو يحبها و ما يقدرش يعيش بلا بيها و و و و و الخ وعدرا للرجال لاني لا اتكلم بصفة عامة و لكن عن معضمهم و صدقوني الكثير من الرجال عندهم نفس ردة الفعل هاته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ساهلة لانه من البداية كان يكذب عليها وماكنتش نيتو الزواج

__________________________________________________ __________

>>>> الرد الثاني :

المشاركة الأصلية كتبت بواسطة sami280
ساهلة لانه من البداية كان يكذب عليها وماكنتش نيتو الزواج

صدقت و الله .....هذا هو الواقع ....

و هي كان من المفروض تحسم امرها من البداية ....فلا تترك له المجال لأن يكدب عليها لا بكلام معسول او غيره ...فيؤجل دلك

الى ما بعد زواجه بها ............لكن كما ترين ....فضل إختصار الطرق ...بالتالي هذه هي النتيجة
و الله ما يبدو الرجال كيف كيف ......سبحان الله

__________________________________________________ __________

>>>> الرد الثالث :

وعلاش النساء يصدقو وشكون ضربهم على يديهم؟


__________________________________________________ __________

>>>> الرد الرابع :

السلام عليكم
يا اختي مش كامل الرجال هكدا حتى البنات ما والاش فيهم لامان
انا نحكيلك على روحي وواش صرالي انا عرفت طفلة تقرا في الجامعة كانت نيتي اني نخطبها او على الاقل ندير معاها خطوة رسمية المهم يكون كلامي معاها في الحلال و بعلم الوالدين تعرفي قالت لي خلي نبقو هكدا من بعد نشوفو عجب بنات هاد الوقت للاسف يحبو العلاقات المحرمة على الخطبة وهاد الشي صرالي انا و صرا لاصحابي بزاف مش غير انا ربي يهدينا بنات المسلمين يا اختي هدا واش نقدر نقول يفضلو الحرام على الحلال من الجهل

__________________________________________________ __________

>>>> الرد الخامس :

شكرا للاخت على الاغنية عجبتني و صح كن كل واحد شاف للبنات هادو بلي خواتاتو و شرفو و عرضو و كيما ما يقبلهاش على اختو و لا على بنت عمو و لا فاميلتو ما يقبلهاش على بنت اخرى كن راهي الاحوال تسقمت و الرجال ولاو رجال