عنوان الموضوع : احلامي تظيع امام اعيني ???? تم الحل
مقدم من طرف منتديات العندليب

السلام عليكم خاوتي انا طالب بالمراسلة راح نجوز الباك هاد العام ليبر حبست فالبيام علاجال نقة غاظتني عمري نعاود فقررت نخرج واليوم الحمد لله لحقت للباك عمري واحد وعشرين سنة علابالي كبرت مي حلم حياتي ندخل لافاك للجااامعة متتصوروش خاوتي حاب نفرح يما مسكينة انا نخدم ومعنديش الوقت بزاف الجمعة ندير ليكوغ يوم كامل والايام الاخرى شوي نراجع فالمساء كي نرجع للبيت المشكلة انو النت والتلفزيون راح يظيعوني حاس بتانيب الظمير منيش حاط راسي مليح ياخاوتي واش ندير حلمي راهو راح يظيع بين يدي انا شعبة اداب وفلسفة امنيتي النجاح فالباك يارب لانه ستتغير حياتي بادن الله يارب والله حاب نفرح امي الغالية اول واحد من ولادها يدخل الجامعة دعواتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

slam alykoum

rani nchouf bli anta eli rak tdhhaya3 f7 olmek

naan bli al a7lam la tamout mahma kanatt s3iba w kbira ... w lakin ta7tadj ila sabr .. w irada

dir fi balak makach 7adja jatt men sahal ...w el9raya tatalaab jihad nafssi makach ili y7ab ya9ra ..bessa7
kaynin ili jahdou anfousshoum f djal .;wossoul ila a7lamhoum

mazal el wa9t li bac ...bs7 lazam ..matathawanch ..w 7awal b ay tari9a .. tmotivi rou7ak
taba3 les forum ta3 bac ..w la révision ..ta3ou

w kheli wa9t mo7add l tv w web

w rabi ywaf9ak

__________________________________________________ __________

>>>> الرد الثاني :

المشاركة الأصلية كتبت بواسطة مشكلتي
السلام عليكم خاوتي انا طالب بالمراسلة راح نجوز الباك هاد العام ليبر حبست فالبيام علاجال نقة غاظتني عمري نعاود فقررت نخرج واليوم الحمد لله لحقت للباك عمري واحد وعشرين سنة علابالي كبرت مي حلم حياتي ندخل لافاك للجااامعة متتصوروش خاوتي حاب نفرح يما مسكينة انا نخدم ومعنديش الوقت بزاف الجمعة ندير ليكوغ يوم كامل والايام الاخرى شوي نراجع فالمساء كي نرجع للبيت المشكلة انو النت والتلفزيون راح يظيعوني حاس بتانيب الظمير منيش حاط راسي مليح ياخاوتي واش ندير حلمي راهو راح يظيع بين يدي انا شعبة اداب وفلسفة امنيتي النجاح فالباك يارب لانه ستتغير حياتي بادن الله يارب والله حاب نفرح امي الغالية اول واحد من ولادها يدخل الجامعة دعواتكم

عمري واحد وعشرين سنة علابالي كبرت ؟.. انــدمـج أخــي بـالمـجـتمـع را تـلق روحـك انت الـصغـير بيـن نـاس فــوتت الـباك و ولادهـا كـبار مـاشي هـوما اللـي كــبار
اذا كــان حــاب الـباك بــهذا الاصــرار نـأكـدلك باذن اللـه مـع المـثابـرة راح تنـجـح مــي لازمك تتــنازل مـن وقـتك شــوية - لا لا الــحـق كــثير - راجــع و اقــرا و النـت و الـتلفـزيـون لاحــق عــليـهم
بــالمـناسبـة أخــتي فــوتت الباك فــي 96 و ما نــجحتـش بــقا فــي راسـها تــزوجـت و صـارت أم و مــسولـيات و عائـلة و و .... و فــي 2008 نــجحـت و مـا قالــتش عــلابالـي رانــي كــبـرت
حــقق حــلمك خــويا أو عــلى الأقـل حــاول و اتــعب و راح تــشوف النــتـيـجة ... و مـا تنــساش كــلنا نــدعولك
ان شــاء اللــه يا رب يــعيـنك و يــحقق لك ما تتمـنى و أكــثـر و يــفـرح الــوالدة بيـك و يــكـفي انــو نيـتـك تـــفرحــها و اللـه ربـــي راح يــكون مــعاك ان شــاء اللــه

__________________________________________________ __________

>>>> الرد الثالث :

المشكل تاعك راك قلتو انت النت والتلفزيون

لازم تقلل منهم في البداية من بعد حبسهم يولي عندك فراغ تقرا فيه

وبالنسبة للدراسة و المراجعة

نوصيك بالصلاة في وقتها وقراءة القران وكون تقدر تقوم الليل راه عندها سر عجيب في التوفيق
وكذلك الصلاة في وقتها كما يقول الحديث من يؤخر الصلاة يؤخر الله له اموره

بالتوفيق

__________________________________________________ __________

>>>> الرد الرابع :

اولا اخي احيي فيك ارادتك وانك حاب تنجح وتفرح والدتك ربي يحفظها بيك

شوي ارادة وان شاء الله توصل

صحيح انو الانترنت والتلفزيون لامفر منهما خاصة في وقتنا
انا ماراحش نقلك بطلهم نهائيا
لكن تقدر تستفيد منهم بطريقة احسن

حاول تدخل منتديات دراسية على الانترنت
تستفيد منهم
تلقا روحك قدام الانترنت وفي نفس الوقت تستفيد وتقرا مع جماعة اصحاب عن طريقها
تحمل دروس وغيرها

والتلفزيون تانا شوف قنوات تعليمية او ثقافية راح يفيدوك
ومع الوقت تلقا روحك تستعملهم بنفس الوتيرة لكن في اغراض تتناسب ودراستك

وربي يوفقك

__________________________________________________ __________

>>>> الرد الخامس :

ربي يوفقك وانشاء الله تفرح امك نصيحتى الارادة والتوكل وخلى هدفك قدامك الانترنت والتلفاز يسناو بصح الباك لا مادمتنى عندكى الارادة ووصلتى للباك ماتخسرهاش فى الاخر كمل وش بديتى