عنوان الموضوع : امبراطورية اخلامي تتحطم امام عيني وما بيدي سوى البكاء اعلان توظيف
مقدم من طرف منتديات العندليب

رمضان كريم على الجميع

السلام عليكم
بداية اشكر كل من دخل صفحتي وشاركني حزني والله يفرح قلبي عندما اجد من احس بي وهو لا يعرفني حتى
احلاي كبرى ولطالما طمحت في تحقيقها ودائما كنت اخاف من التحطيم من طرف العائلة وكنت الجأ الى امي لاسألها (ودائما تشجعني وتقول لي انت دير لي عليك وباباك وخوك والله ما يوقفو في طريقك) من شدة خوفي انو احلامي تضيع في لحضة تخليت عليها وقلت صاي مانقراش للباك ومانديه ما والو مي جات يما وشجعتني وقتلي لالا وعطاتني امل كبير قتلها خليني من دوك نهدر معاهم ونقولهم لكان يسمحولي نقرى باه مكاله نتحطم مبعد مي قاتلي لالا ماتخمي ما والو المهم انا مانيش نلوم في يما كي شجعتني لانو اي ام دير هاد الشي"ا وديت الباك وفرحتهم مي في قلبي حزن كبير على خاطر معدلي قليل وما يحققلي والو 13.56(مع العلم حلمي هو اني نقرى حاجة نادرة جدااا واحد مادراها من قبل ونعطيها كامل وقتي ونطورها ونخرج حاجة فلبلاد) وفي لحضة كي شفت الاختيارات قلبي فرح بزاااااااااف خاطر لقيت حاجة نقدر نحقق بيها حلمي اداب ولغة روسية فرحني بزاف هاد التخصص وقلت هنا نحقق طموحي بديت فالتشاور بين العائلة ماعدا الاب الاخ واقفني بزاف وشجعني لابعد الحدود لدرجة عطاني الامل مي بزاف لي رفضولي الفكرة كاساتذة الجامعة لي شاورتهم وقالولي لازم عليك دير مدرسة عليا للاساتذة لي ماكنتش نحلم بيها خلاص وكنت نعتبرها محطم الاحلام لانو صح هاد المدرسة مستقبلها مضمون مي فلخر استاذ وماتقدر دير والو لا ماجيستر ولا دوكتوراه المهم جاو الاختيارات وحطيت 6 اخنيارات الاولى مدرسة عليا 7 لغة روسية
واول حاجة درتها صلاة الاستخارة ومن ليلة لي درتها وانا نحلم باللغة روسية الةى ان جاء التوجيه وهنا الصدمة كان تجيهي لغة روسية في قلبي فرحت بزااااااااااااااااااااااااااف مي في نفس الوقت خفت من تحطيم هاد الحلم لي جا بين يديا وماكنتيش متوقعاتو الام تشجع فيا كما كانت مع الاول وجا دور الاب ونشوف ردو وهنااااااااا الصدمة لالالالالالا والصدمة الاكبر مالاخ لي كان مشجعني هو لي ماخلاليش حتا حاجة نقنع بيها الاب وبابا ماكانش رافض الفكرة 100/100 مي بمساعدة الاخ رفضها 10000000/1000 وهنا بدات امبراطورية احلامي تتهدم من الاساس الى لسقف وانا ارى سوي الدموع في عيني وسبب الرفض هو البعد اللغة الروسية تدرس في الجزائر العصمة وانا اسكن في ام البوافقي يهني مسافة 600كلم هادا انا لم يخفني ولم يقنعني انه صعب المنال لكن العائلة تراه شئ صعب جداا
ويما تاني ولات معاهم وقفت في جنبهم وقاتلي صعيب الحال
انا ما لقيت قدامي غير نال رضا الوالدين ونقولهم لي تحبو ديروه ديرو وغلقت على نفسي ابواب الاحلام وكل شئ
وبدات المشاورة فيما بينهم وكانهم يبجهزوني لجنازة احلامي والله العضيم هكا كنت حاسة وفالاخير جاو عندي وعطاوني قرار التشاور المشؤووووم "ديري تحوييييل الى ام البواقي وقراي حاجة تاع معدل 10.00 علوم سياسية ولا علوم اجتماعية وخلاص قصدهم علوم تحيم احلامك وفالاخير ستسلمت للامر الوقع وسقطت اعمدة امراكطورية احلامي ولحقها السقف وكل شي
المهم طولت عليكم بزاااااااااااااف سمحولي مي والله هاد الكتيبة ريحتني شوي نتمنا نسمع غير الكلمة الطيبة لي تصبرني
وربي يوفقكم جميعاااااااا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي معانا بيده الفرج لا إله إلا هو عليه توكلت وعليه فليتوكل المؤمنون

=========


>>>> الرد الثاني :

اختي و الله قصتك تقريبا مثلي وماعليش ديري تحويل في سبتمبر المهم رضا الوالدين وكلش على ربي وتقدري حتى بعد التخرج تقرايها

=========


>>>> الرد الثالث :

السلام عليكم حبيتي

ربي معاكـ أختي ..ماتحسيش هذا مكتوب ربي و اللي كاتبه نلحقوووه،،انت ماتعرفيش الخير وينراه..المهم ربي يوفقك و ماتخميش بزااف


=========


>>>> الرد الرابع :

ma 3andak ma diri ou5ti ......w balak rabi chaflak fiha 5iiiiiir ma tadri balak

hadou waldak w 5ouk asbri 3lihoum

w rahi mazalt lymat 3la tasjil w balak yebdl rayhoum hawli ta9n3ihoum

sali w ad3i rabi balak.........ma tadri ou5ti

w zidi diri fi balak ay haja bla reda waldin rahi tefsad

w ida tehatmat 3lik w derti trensfer diri anglais ou farnçais

w ida ye5alouk fi annaba machi b3ida bezaf kaina italiya ou5ti diriha

asbri bark

=========


>>>> الرد الخامس :

حاولي تقنعيهم صح عندهم الحق يخافو عليك لكن قوليلهم أنهم راح يضروك أكثر لو ما يخليوكش تدرسي وش تحبي ربي معاك

=========


السلام عليكم
اختي ماعليش مادام ما في يدك والو رضاي بقضاء الله
ونقولك حاجة مهمة جدا : عسى ان تكرهوا شيئا وهو خيرا لكم
في امان الله والله يوفقك اختي


رضا الوالدين ahem haja dkartiha...anti barri waldik w rbi howa li raye7 ykafik..soi sur mn hadrtii...rbi ywafkak w ysabrak

كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

أختي دير في بالك بلي دي فيه الخير يجيبو ربي


ربي يسهلــــــــــــــــــــــــــــــ

ربي معاك أختي و الله غيير صح تغييض بزاااااااااااف
سيي ديري حاجة فيها مستقبل مضمون
متقدريش تديري علوم اقتصادية ولا علوم التسيير و لا علوم سياسية وين حاجة تقتنعي بيها
وبالتوفيق ان شاء الله

المشاركة الأصلية كتبت بواسطة حميدو09
كارثة
هل أنتم تمثلون مستقبل الجزائر المشرق؟؟

أشك في ذلك

عندما أقرأ المواضيع، و الردود أصاب بالصدمة من لغة الكتابة و الحوار.
الجيل السابق كان يكتب بلغة العقاد و طه حسين ، و جيل اليوم يكتب بالدارجة و العربية المفرنسة و لغة sms

واأسفاه على أبناء بلدي

و رغم أني لست من مشجعي اللغات الأجنية إلا أن المجتمع و الظروف هي التي فرضت علينا هدا

لكن ما يحيرني و يثير دهشتي هو حين يتكلم البعض و يقول الجلي السابق و نحن و نحن و بكالوريا زمان ليست بكالوريا اليوم وووووو تلك الخزعبلات

لو كان جزءا من هدا صحيح فلما نحن نعاني هدا الركاد و هدا وووووو مادا فعل الجيل السابق مادا فعل اين إنجازاتهم .....ههههههههههه

و كما قلت انت الجيل السابق يتكلم العربية ..ووو نحن الجيل الحالي ..على يد من تربينا و نشئنا أو ليسعلىيد الجيل السابق

فأرجوكم كفانا من خزعبلاتكم ...........فقد ضقنا بها ذرعا

عسى ان تحبو شيئ و هو شر لكم

rabi m3aaaaak khtiti 3lach ma dirich Mi !!!!!!