عنوان الموضوع : انشاء الله لي يدخل ما يندم ............ طريقة جزائرية
مقدم من طرف منتديات العندليب

السلام عليكم
انا لبارح درت les salés و مقادير هزيتهم من عند الاخت فلة

بارك الله فيك

على هذه الوصفة جاو بناااااااان و خفااااااف الله يبارك المهم صورتهم و ما قدرتش نحملهم هنا تشوفوهم

للعجينة درت :
5 كيسان فرينة + نصف كاس زيت +2 ملاعق كبار خميرة الخبز +1 خميرة الحلويات + مغرف كبيرة خميرة المحسن +
ملعقة كبيرة سينوج + فنجال سكر + ملح حسب الرغبة +
ماء دافي عجنتها و حطيتها تخمر

درك نولي للحشو :
انا درت لحم مرحية + فرماج + بيشاميل
لحم المرحية قصيت بصل رقيق و ملح و فلفل اكحل دبلت البصل و حطيتله اللحم و خليتهم

و حضرت البيشاميل :
دوبي
مغرف زبدة + حطيلها مغرف فرينة و خلطي بالفووي ما تحبسيش من التخلاط فوق النار كي تطلع ريحة الفرينة و الزبدة لحقيلهم 1/2ل حليب سخون و بالشوية وانت تخلطي بالفووي حتي تولي ما هي عاقدةو ماهي جارية بزاف


نوليو للعجينة:
بعد ما تتخمر عاودة عجنتها و قسمتها على 2 الاولى درتها على شكل وريدات و الثانية على شكل cornet
الوريدات حليت العجينة و تقطعي دائرات انا استعملت فم الكاس متوسط و تدهني المول تاع madeleines يتباع simple و كاين شكل وريدات كل 3 دائرات يشكلو وردة حطيهتم بجنب بعضاهم و و حشيتهم باللحم و فوقه الجبنن و غطيتهم بالبيشامميل و ديري هكذا حتى تكملي العجينة

و تدهني الشطوط تاع الوردة بالبيض ( بيضة + سكر + شوية حليب) و اخيرا تلوحيهم فالفور ( يكون سخون بطبيعة الحال )

les cornets دارتهم الاخت فلة شوفوا الطريقة عندها

سامحوني طولت عليكم بالشرح كون قدرت نحمل الصور كون جا اسهل من هك

ان شاء الله يعجبكم









>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

جزاك الله الجنة اخيتي


الرجاء التصحيح فالصحيح ان شاء الله و ليس انشاء الله







مشكورة

__________________________________________________ __________

>>>> الرد الثالث :

بارك الله فيك

في انتظار الصور

__________________________________________________ __________

>>>> الرد الرابع :

الله يسلمكم ان شاء الله لكن بينولي كيفاه نحملهم مدولي رابط التمساح لكنه متوقف للاسف




__________________________________________________ __________

>>>> الرد الخامس :

بارك الله فيك