** البريك على طريقتي مرحبا بالجميع ** من مطبخي
عنوان الموضوع : ** البريك على طريقتي مرحبا بالجميع ** من مطبخي
مقدم من طرف منتديات العندليب
السلام عليكم أخواتي
اليوم جبتلكم وصفة سهلة للبريك باش انوعوا شوية في رمضان
المقادير بسيطة
نحتاج حسب أفراد العائلة
بطاطا طايبة فالماء و شوية ملح ثم نرحيها بالفرشية و نضيفلها شوية فلفل أسود و شوية ملح و معدنوس
طون تاع الزيت
بيض اخضر حسب أفراد العائلة
أوراق ديول
نطوي ورقة الديول على اثنين مثل ما راه موضوح فالصورة و نعمل البطاطا على شكل دائري و فراغ فالوسط و فوقها ندير الطون و فالوسط نفتح حبة بيض و نطوي ورقة الدرول على شكل مثلث و نقليها في زيت متوسط اي على نار متوسطة و هادية نوعا ما باش البيض يطيبلنا لانو كون تكون الزيت سخونة بزاف و النار عالية راح البيض يقعد أخضر اي ني
و لما تقرب أطيب نبدا نشكل فالحبة الثانية و هكذا حتى نكمل البيرك تاعنا و لما يطيب نحطوه على ورق مصاص باش يشرب الزيت كيما نديرو مع البوراك و يقدم بالصحة و الهنا
و صحا فطوركم
إلى وصفات أخرى بإذن الله
سلااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
fakra mliha merci
__________________________________________________ __________
>>>> الرد الثاني :
اممممممممم يعطيك الصحة فيوزة
__________________________________________________ __________
>>>> الرد الثالث :
جزاك الله خيرا
بصح انا نفضل البوراك
على خاطر البريك ما اطيبش البيضة مليح اجي سايحة
__________________________________________________ __________
>>>> الرد الرابع :
المشاركة الأصلية كتبت بواسطة geulma24000 
fakra mliha merci
بلا منزية اختي
المشاركة الأصلية كتبت بواسطة ام ساجد
اممممممممم يعطيك الصحة فيوزة
ربي يخليك اختي ام ساجد
المشاركة الأصلية كتبت بواسطة جيجلية
جزاك الله خيرا
بصح انا نفضل البوراك
على خاطر البريك ما اطيبش البيضة مليح اجي سايحة
اختي باش البريك ما اجيك شالبيضة سايحة لازم اديريه على نار قليلة و تخليه يطيب على مهل
__________________________________________________ __________
>>>> الرد الخامس :
انا ندير بيضة مخلطة ونقسمها على زوج بريكات وتطيب هايلة
رد مع اقتباس
