عنوان الموضوع : ثريد من مطبخي المطبخ الجزائري
مقدم من طرف منتديات العندليب

السلام عليكم في هاذ البرد درت لعايلتي الثريد
و قلت نوريلكم تعطوني رايكم
العجين
فرينة و ملح و ماء دافيء
نعجنو مليح مليح و نخلوها ترتاح 1/2 ساعة
نقطعو كرات بحجم حبة البيض ندهنوها بالزيت
و نخلوها ترتاح 10 دقايق ونبداو نورقو الاولى
و نحطوها في الطاجين شويا و نقلبوها و نورقو
عجينة اخرى و نحطوها فوق الاولى شويا و نعاودو
نقلبو و نديرو الثالثة حى نديرو 7 و لا 8 و نحوهم
و نعاودو نبدو مرة اخرى حتى نكملو لعجين



و نطيبو مرقة حمرا باللحم و الحمص باش نسقيوه
انا ولادي يحبو البطاطا في المرقة نتاعو
و كل واحد و كيفاه يقدمو كاين اللي يقطعو
انا نحبو كيما هاك



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك اول مرة نسمع بيه يشبه شوية للفطير نتاعنا.

__________________________________________________ __________

>>>> الرد الثاني :



__________________________________________________ __________

>>>> الرد الثالث :

تاكليه بالصحة حبيبتي جاك يسخف

__________________________________________________ __________

>>>> الرد الرابع :

أول مرة نشوف هذا الطبق
حنا نفتوه ونسقوه بالمرقة بيضاء نسموه الرفيس شكرا جزيلا سلامي لناس البيض

__________________________________________________ __________

>>>> الرد الخامس :

الله يبارك
اول مرة نسمع به
يشهي