عنوان الموضوع : غرايفي لمن تجرؤ فقط ههههه طريقة جزائرية
مقدم من طرف منتديات العندليب

حبيباتي ياخي قالووو الغاية تبرر الوسيلة أوكي
مالا أنا ماعنديش طاجين لغرايف مالا جاتني فكرة جهنمية
وقلت ماتسلكها غير الكارلاجة تاع الماصو خخخخخخخخخ فرحت للقاراج وسرقتلووو وحدة وطيبت عليها لغرايف ( بعد ماغسلتها) وخرجووو روعة سامحوني ماصورتش الطريقة بالتفصيل بصح وعد مني في أقرب وقت نعدل الموضوع ونحطلكم طريقتي بالتفصيل الممل المهم للبنات لي كيما حالتي دايما يسمعو بغرايف الكارلاجة وماجربوووش هاني جربت في بلاصتكم شوفو وقيموني
غرايفي: 2 كيسان كبار دقيق+ كاس فرينة ونص مغرف خميرة الكسرة ونص مغرف سكر وملح وبيضة والماء الدافيء أنا نحللهم باليد أحسن خيرمن تاع البيترا ولا الباتور وانتوما وطريقتكم يعني كي نكون في مود روووعة نخدم باليد وكي نكون مكرفسة نلوح للبيترا كعبر واعطي للعور خخخخخخخخ
هام ليكم الصور تاع الطياب فقط:











لهووومة لوكان تعيطيلي مدام كارلاجة نقتلك
حقة الكارلاجة خليوها تسخن مليح مليح وماتدهنوها ماوالووو راهي رطبة رووووووعة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة العدوي
روعة مدام كارلاجة ههههههههههههههههه ما نستناش الهام تقولهالك انت الي جبتيه لنفسك
فعلا جاك يهبل

__________________________________________________ __________

>>>> الرد الثاني :

سوال زعما يصدق بلادادصول؟؟؟؟؟؟؟؟؟؟؟؟؟؟؟؟؟؟؟؟ههههههههههههههههههههه ههههه

__________________________________________________ __________

>>>> الرد الثالث :

ههههههههههههههههههههه بروووقة وحدك حبيبتي لقيت في القاراج دال دوصول بصح رقيقة خفت ماطيبهمليش مليح والله أعلم
ماتخافيش كاشي نهار على جالك نجربهاااااا وماتعيطوليش مادام ...............

__________________________________________________ __________

>>>> الرد الرابع :

خرجولك هايلين سخفتيني نموت عليهم , حاولت نقاوم قداه ن يوم بصح معاكم لا ريجيم لا مقاومة ولا هم يحزنون

__________________________________________________ __________

>>>> الرد الخامس :

الفكرة تاع الكلاجة سمعت بيها من قبل بصح عمرى ماجربت نطيب فوقها يعطيك الصحة وانا كنت نقول نشرى مقلة تيفال خلاص لقيت الحل الكلاج راه كاين عندى والى معنهاش نبعتلها
سؤال برك كيما ندهنهاش بالزيت زعما ماتلصقش وشكرا