عنوان الموضوع : شوفي واش يصرى كي تلعبي بالعجين ههههه طريقة جزائرية
مقدم من طرف منتديات العندليب



الوصفة 11

صباح الخير عليكم كاااااامل
ساعات ساعات يبدا راسي يخرف ، قالي واش تقولي كون نديرو حاجة جديدة واحد مادارها ، هاذوك العضوات نتاع المنتدى دوخونا ما خلاو حتى حاجة نخلعوهم بيها ، قلت هات واش عندك دبر عليا ، قالي واش تقولي كون تقلي المطلوع قتلو آآآآو هذي خشينة شوية ، قالي واش فيها بالاك جيبي حاجة بومبة هههه ، أنا نقولو ياراجل هني روحك وهو يقلي والو جربي ماعندك ما خسرت ، قداش من يوم وحنا هكذا غلبني البارح قلت نجربها بالاك يسكت علي .

* مكونات العجين : 250غ سميد رطب + 100 غ فرينة+1 ملعقة كبيرة سكر + 1 ملعقة كبيرة خميرة+ملح + ملعقة كبيرة زيت + ماء دافئ ، شوفو واش درت بنفس العجين :

1- مطلوع عادي أو مطلوع محشي ( فكرة أم رامي ) أو مطلوع الشحمة ، راني حطيت الوصفة من قبل :


2- بطبوط : بعد ما نتحصل على العجين ( بدون تخمار ) نرش الطاولة بشوية فرينة و نطرحها بالحلال و نقص دوائر بالكاس أو حاجة أكبر منو ( أنا قصيت بسكرية نتاع بكري وزمان لقيتها مخبية بلافايدة هههه ) ، نحط الدوائر فوق منديل و نغطيهم ونخليهم يخمرو و من بعد نسخن مقلاة على نار متوسطة و نطيبهم على الجيهتين :


شوفو من داخل فارغة :

و هنا حشيتهم بطاطا مقلية باتي دجاج و زيتون أخضر و جبن و مايوناز و طماطم:


3- بطبوط مقلي : بنفس الطريقة حضرت البطبوط ( ولكن العجين رقيقة أكثر ) و حطيت حشو وغطيتها بدائرة أخرى و قفلت الأطراف مليح و خليتها تخمر و قليتها .


شوفو فارغين من داخل :


4- بانيي : بنفس طريقة البطبوط المقلي درت بانيي ، حشيتو بالمربى وحبة حشيتها عسل و خمرتهم و قليتهم و رمدتهم في السكر ( من الأحسن سكر رطب )
هههه جربت 2 حبات وكليتهم نسيت نصورهم ، على العموم نفس النتيجة نتاع البطبوط المقلي .

5- دونات : نفس الطريقة درت دوائر رقاق و ثقبتهم في الوسط بالبوشون نتاع قرعة سعيدة صغيرة .


6- كرواسون : هنا بدا التخلاط نتاع الصح ، خدمت كرواسون بنفس الطريقة نتاع وصفة الكرواسون و شكلتو ودهنتو وخمرتو و طيبتو في الفرن و دهنتو من فوق بالعسل و حمرتو من فوق

هنا الشكل راهو كرواسون بصح الطعم خبز ههههه ، بصراحة ما عجبنيش ، جربت حوايج أخرين بصح ما عجبتنيش النتيجة

قولولي أنتم ثاني يخلط عليكم راسكم هكذا ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هههههههههههههههههههههههههه قتلتيني بالضحك
بصح رووووعة يا الهام سيرتواالبطبوط اللي طيبتيه في المقلاة جا فوووور
يعطيك الصحة
حتى انا راسي يشيخ عليا بزااااف

__________________________________________________ __________

>>>> الرد الثاني :

ماينة أعطيك الصحة عجبني البطبوط أكثر لخرين زادا ملاح

__________________________________________________ __________

>>>> الرد الثالث :

المشاركة الأصلية كتبت بواسطة *ام رامي*
هههههههههههههههههههههههههه قتلتيني بالضحك
بصح رووووعة يا الهام سيرتواالبطبوط اللي طيبتيه في المقلاة جا فوووور
يعطيك الصحة
حتى انا راسي يشيخ عليا بزااااف

هههه ، هذي راهي غير الحلقة الأولى ، كون تشوفي الحلقة 2 واش تقولي ، الأسبوع المقبل إن شاء الله نحطها ، خفت نحطهم مع بعض تقولو الطفلة هبلت
المشاركة الأصلية كتبت بواسطة أم إياد أحمد أمين
ماينة أعطيك الصحة عجبني البطبوط أكثر لخرين زادا ملاح

والله تعبة لـ 12 نتاع الليل وانا في المطبخ ، صبحت مزرولة هههه ، ربي يعيشك ، راهو البطبوط المقلي جا مليح في الطعم ( طعم بانيي ) و خفيف

__________________________________________________ __________

>>>> الرد الرابع :

يعطيك الصحة
هدا راس والا بلاش ههههههههههه

__________________________________________________ __________

>>>> الرد الخامس :

يعطالبطبوطيك الصحة الهام عشية كاملة ونتي تلوزي في راسك حتان تعبتي مبصح تعبك ماراحش هكاك راهم جاو هايلين بالمنظر نشا الله نجرب