عنوان الموضوع : نداء الى ام اماني 77 او اي فحلة من الفحلات المطبخ الجزائري
مقدم من طرف منتديات العندليب

سلام عليكم اولا حبيت نشكركم كامل بدون استثناء راني تعلمت من عندكم حوايج بزاف حبيت ام اماني تنعتلي طريقة صنع المحاجب بالتفصيل خاصة الحشو تاعهم و تاني المطلو راني قريب نتزوج و منعرفش نديرو خايفة عجوزتي تضحك عليا هههههههههههههه شكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عفوا المطلوووع

__________________________________________________ __________

>>>> الرد الثاني :


inchaa allah tlkay djaweb

__________________________________________________ __________

>>>> الرد الثالث :

ختي شوفي الوصفات من هذا الرابط و لي عودة

https://www.djelfa.info/vb/showthread.php?t=1610214

__________________________________________________ __________

>>>> الرد الرابع :

شوفي يا الفحلة الحشوة تاع المحاجب تديري البصلة في الروبو تحطيه في القلة وتديريلو شوية زيت وفلفل اكحل حتي تذبل البصلة من بعد زيديلها الطماطم رابي والي حب الحار قصيلها شوي حار ولا ديريلها لهريسة كي تنشف طفي النار وقطعي فيها الدبشة اما العجينة ديري سميد متوسط وديري معاه شوي فرينة اذا كان دقيق مافيهش العلك وشوي ملح وبلي بالماء و دلكيه و حطيه في ساشي نظيف وخليها تريح كي تبقاي تطيبي لوزي الحبات يرحو شوي وبداي تطيبي وراهو كان موضوع علي الحاجب إنشاء الله يفيدوك الاخوات و يحطولك الرابط

__________________________________________________ __________

>>>> الرد الخامس :

السلام عليكم ورحمة الله وبركاته
اختي حنا تع العاصمة نديرو الحشو بصل وطمااطم برك مع فلفل اسود و الملح والزيت
وكاين مناطق اخرى تدير بالفلفل الحلو وتدير الزيتون الاخضر وكاين لي يديرو لحم مرحي
اما العجينة انا ندير 3 كيلات سميد كيما عمر بن عمر ولا مولا و كيلة فرينة و ندير الملح نلمها و نعجنها شوية ونديرها ف ساشي
مشمخ بما دافي بعد نص ساعة نولي ليها ونعجنها ونرجعها لمدة 15 دقيقة فصاشي امبعد ندير كويرات وندهنهم بالزيت و نبدا نطيبهم