عنوان الموضوع : نار الحيرة تكاد تقتلني ساعدوني من فضلكم تم الاجابة
مقدم من طرف منتديات العندليب

السلام عليكم ورحمة الله وبركاته تقبل الله صيامكم وعيدكم مبارك وكل عام ونتم بخير اردت ان اطرح عليكم مشكلتي فلا تبخلوعلي بالمساعدة
انا فتاة كنت مخطوبة لشاب من ولاية تيبازة بعد حب دام سبع سنوات ولكننا انفصلنا في شهر رمضان لانه خانني وتعرف الى فتاة اخرى وخلال تلك الفترة واثناء ذهابي الى المسجد لاحظت بان هناك شابا يقيم في نفس الحي الذي اقيم فيه يتبعني اينما ذهبت وهو شاب ملتزم وملتحي اي هو سلفي وفي اخر ايام رمصان طلب مني رقم هاتفي لانه يريد ان يكلمني في موضوع مهم اعطيته الرقم وكلمني واخبرني بانه معجب بي ويريد ان يتقدم لخطبتي لكن في الوقت الحاضر ظروفه لا تسمح فهو غير مستقر ماديا وطلب مني ان اصبر عليه قليلا فوافقت
لكن في الفترة الاخيرة عاد خطيبي واراد ان نعود كما كنا وانه ندم على مافعله واقنعني باننا سنكون احسن من الاول ولكن عندما نتزوج علي التوقف عن العمل والسكن مع اهله وزوجة اخيه في بيت من تلات غرف
في الواقع انا في حيرة من امري ولا اعرف ماذا افعل لقد صليت صلاة الاستخارة علىالشاب الذي كلمني لكن لم يظهر لي اي شيء و في نفس الوقت انا اميل له اكتر من خطيبي وهذ لتدينه ورضاه رغم انه اخبرني ان تزوجنا فاننا سنقيم مع اهله وسوف اتوقف عن العمل لكني وافقت ورضيت اعينوني من فضلكم وادعو لي ان يسهل الله اموري ويرزقني بزوج صالح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و هداك لي كوتي تحبيه 7 سنين نسيتيه????

__________________________________________________ __________

>>>> الرد الثاني :

المشاركة الأصلية كتبت بواسطة fadiya16
و هداك لي كوتي تحبيه 7 سنين نسيتيه????


ماشي نسيته بصح من لي خدعني نقصت قيمتو عندي منكدبش عليك ختي مرضني ملي عرفتو وانا في المشاكل عييت ساكريفيت علاجالو بزاف بصح بلا فايدة وليت ندعي ربي يعوضني بوحد خير منو

__________________________________________________ __________

>>>> الرد الثالث :

اختي.. مقدرة الحيرة اللي راكي فيها لانو 7سنين منالعمر ماهمش لعبة

خطيبك اللول عرف وحدة عليك واش يضمنك مايعاودهاش نهار تكونو متزوجين؟ نقوللك اللي يخاف ربي ماتخافيش منو وهادا التاني باين مليح لانو متربي و زيد قريب ليك يعني نهار تتزوجي تكوني قريبة لداركم

انتي ديري استخارة على التاني و شوفي ...وربي يسهللك نشالله

__________________________________________________ __________

>>>> الرد الرابع :

السلفي السلفي السلفي خير

__________________________________________________ __________

>>>> الرد الخامس :

المشاركة الأصلية كتبت بواسطة sorour2
اختي.. مقدرة الحيرة اللي راكي فيها لانو 7سنين منالعمر ماهمش لعبة

خطيبك اللول عرف وحدة عليك واش يضمنك مايعاودهاش نهار تكونو متزوجين؟ نقوللك اللي يخاف ربي ماتخافيش منو وهادا التاني باين مليح لانو متربي و زيد قريب ليك يعني نهار تتزوجي تكوني قريبة لداركم

انتي ديري استخارة على التاني و شوفي ...وربي يسهللك نشالله


يعطيك الصحة اختي على ردك ايه درت عليه الاستخارة شحال من مرة بصح معرفتش كيفاش تبانلي كلش نورمال والحق هو انسان متربي ومتدين يوصيني على الصلاة والصيام والاذكار وقراءة القران وطلب مني باش ندير حجاب شرعي لانو اكثر سترة ليا بعني نشوفو هو خير اما الاول مكانش قع هاد الامور معاه غير حاجة تافهة حتى الصلاة وميصليش و كي نقولو يقولي متسالينيش هدي بيني و بين ربي