عنوان الموضوع : سردين رقيق بزاف شوفو واش ديرو بيه المطبخ الجزائري
مقدم من طرف منتديات العندليب

السلام عليكم بنات هدي اول مرة نحط موضوع في قسم الطبخ نشا الله يعجبكم ....
الطريقة :
تحتاجو سردين رقيق وطري تخسلوه مليح وتنحولو سلسول ( لعظم تاعو )
حطو معاه شوي روز مغلي فالماء ومقطر وبارد شوية
شوية ملح +فلفل اسود+ كمون
معدنوس مقطع
ثوم
اعجنو هدي المكونات كامل مع بعض مليح حتى تغبر في بعضها
شكلو كرات ( بولاث) صغيرة وخلوهم على جنب
رابي حبات الطماطم وحطيهم على النار زيد شوية طماطم مرحية + شوية ملح وزيت +خليهم يغليو مبعد زيدي ورقة رند ( غار) + فلفل حار
كي تطيب الطماطم وتنشف شوية حطي كرات السردين وخليهم يطيبو قبل ما تطفي ضيفي شوية ثوم رابي ومعدنوس بالصحة والهنا
وشهية طيبة
في انتظار ردودكم واراءكم وصح فطوركم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ميرسي بزاف حنونة

فكرة رااااااائعة

__________________________________________________ __________

>>>> الرد الثاني :

الله يبارك
ميييييييييييييييييييييييرسي

__________________________________________________ __________

>>>> الرد الثالث :

اهلا بيك اختي جربيها وردي عليا

__________________________________________________ __________

>>>> الرد الرابع :

باين بنين
صح مرات السردين الرقيق ما تعرفي واش ديري بيه
سلام

__________________________________________________ __________

>>>> الرد الخامس :

ايه صح ...تجي بنينة بزاااف انا بابا يموت عليها يجيب سردين رقيق بالعاني