عنوان الموضوع : مشرملة بالفلفل من مطبخي طبق جزائري
مقدم من طرف منتديات العندليب

مساء الخير اخواتي العزيزات بما انو رمضان قريب حبيت نقدملكم طريقتي في عمل المشرملة مانيش عارفة كيفاه تسميوه في منطقتكم
كمية من الفلفل الحلو و ضعفو فلفل حار تقطعيهم مربعات
حبات طماطم مرحية
سنات ثوم مقطعة شرائح
ملح + خل + زيت + ملعقة كبيرة سكر
في مقلة ثقيلة حطي فنجان خل وحطي معاه الفلفل الحلو والحار على النار وكي يا يغلي غطيه مليح ونقصي النار وخليه حتى يذبل ممكن شي 10د مع المراقبة زيدي عليه شرائح الثوم وزيدي قلي شوية مع التحريك حتى يولي شفاف




وزيدي الطماطم المرحية وخلي الكل يتقلى زيدي الملح والسكر والزيت خلطي 2 د وطفي النار وحطي معاها كمية من زيتون اخضر مقطع شرائح وادا شفتيها ناقصة حموضة زيدي الخل







خليها تبرد وحطيها في علبة واحتفضي بيها في الثلاجة لانها تتقدم باردة مع العجائن كيما الكسكسي ولا التليتلي وممكن تتقدم مع بطاطا مقلية




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا اخت نينا بينة بنينة جاري التجريب

__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

وفيكن بركة اخواتي حبيبتي فايزة رانا نستناو التطبيق بحول الله

__________________________________________________ __________

>>>> الرد الرابع :

يعطيك الصحة أختي

__________________________________________________ __________

>>>> الرد الخامس :

المشاركة الأصلية كتبت بواسطة ninafret
وفيكن بركة اخواتي حبيبتي فايزة رانا نستناو التطبيق بحول الله




ان شاء الله حبيبتى وعجل الله لك مناك عاجلا يارحم الرحمين