ألذ كبدة مشرملة بطريقة أمي من مطبخي بالصور المفصلة طبق جزائري
عنوان الموضوع : ألذ كبدة مشرملة بطريقة أمي من مطبخي بالصور المفصلة طبق جزائري
مقدم من طرف منتديات العندليب
لسلام عليكم
اليوم بإذن الله راح نوريلكم طريقة عمل الكبدة المشرملة كاين بزاف أخوات يسألوا عليها
طبعا هذه طريقة أمي العزيزة ربي يحفظها و يشفيها كانت درهالنا في أول أيام رمضان و في الأعياد و عند حضور الضيوف
طبعا المقادير والطريقة بالخطوات المشروحة بالصورحتى يسهل الفهم و أي سؤال أنا في الخدمة
المقادير :
حطي في طنجرة:
حبة طماطم مسكرفجة + الثوم + ورقات رند + ملعقة متوسطة سمن+ ملح ماتكثروش قليييييل فقط و كي طيب ذوقو+كمون+ فلفل أسود +أحمر + لفاح +ملعقة متوسطة طماطم مرحية + معدنوس
تقليهم شوية مع ملعقة الطماطم وتمرقي شوفو قدش ماشي بزاف
في هذه الأثناء قطعي الكبدة و حطيها في مقلة مع القليل من السمن او الزبدة ورشة ملح صغيرة و طيبيها نص طياب
ممبعد تفرغيها في المرقة الي تغلي و حركي و غطيها تطيب على نار هادئة مع التحريك مرة على مرة حتان تشوفيها طابت و المرقة عقدت و تجمرت
رشيها بالمعدنوس و قدميها بالصحة و الراحة مممممم
نتمنى نكون أفدت الأخوات لي حوسوا عليها و صدقوني راهي تجي بنينة تشهي كامل لي يكلوها عندي تعجبهم
تقدروا تعملوها بكبد الدجاج والقوانص تاني مممممم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الصور دائما ميطلعوليش !!!!!!
__________________________________________________ __________
>>>> الرد الثاني :
الله الله
يعطيك الصحة
__________________________________________________ __________
>>>> الرد الثالث :
المشاركة الأصلية كتبت بواسطة touta2010 
الصور دائما ميطلعوليش !!!!!!
المشاركة الأصلية كتبت بواسطة نصرية
الله الله
يعطيك الصحة
شكرا أخواتي الغاليات على الزيارة سعدت بكما
توتة الصور راهي ظاهرة زيدي حاولي عزيزتي
__________________________________________________ __________
>>>> الرد الرابع :
يممممممممممممممممممممممممممممممي تسخف و الله يعطيك الصحة هايلة
__________________________________________________ __________
>>>> الرد الخامس :
تشهي ام انس يعطيك الصحة الصور كبار بزاف يطولو باه يظهرو مشكورة
رد مع اقتباس
