عنوان الموضوع : طاجين الترفاس حصريا من مطبخي
مقدم من طرف منتديات العندليب

السلام عليكم ورحمة الله
اخواتي العزيزات
العديد منكن تعرف الترفاس او على الاقل سمعت به والبعض لا يعرف كيف يطهى
والبعض الآخر لم يذقه في حياته ..لكن للذين لم يتذوقوه فعلا قد فاتهم الكثير من اللذة
هو متواجد بكثرة في الصحراء بعدة انواع اجودها هو الترفاس الاسود وهو اكثر قيمة غذائية بين كل الخضروات الطبيعية تصورو
المهم اللي حابة تعرف فوايدو تروح لعمي قوقل يعطيها المعلومات
دورك نروحو للمفيد ..
انا جابولي البارح شوية من الصحراء الحبيبة تاعنا وعملتو طاجين
اليكم طريقتي

اولا هاذي هي صورتو



ثانيا نغسلو الترفاس في ماء دافي عدة عدة مراااااااااااااااااااااات لانو معمّر بالرمل حتى فالتشققات تاعو



من بعد قشريه بالعقل وحاولي تنظفيه مليح من الشقوق هاذوك وقطعيه..
خليه في طاس عميق فيه ماء دافيء مع قطرات خل او ليمون حتى يحافظ على لونو الابيض وحتى يقضي على كانش جرثومات خبيثات يكونو مخبيات

قطعيه مباشرة في طنجرة ماتلصقش +شوية سمن ..اقول سمن لانو يجي بنين بيه احسن من الزيت والزبدة
خلوهم يتقلاو






اعذروني على الظلمة اللي راها فالتصاور ..الله يلعن اللمصابيح الاقتصادية






ثم زيدي التوابل اللي هي عبارة عن فلفل اسود وشوية قصبر مطحون وكمون ..الكمون اكثر من التوابل الاخرى لانو يجي معاه بزاف
زيدي نص ملعقة كبيرة طماطم مصبرة مع حبة طماطم كبيرة مرحية + حبة جومبو ورشة ملح و4فصوص ثوم مبشورة


يزيدو يتقلاو ثم مرقي الى غاية ما يتغطى الترفاس برك
ثم خليه يخثار وقدميه مع رشة معدنوس كلمسة اخيرة
وهاهو ليكم الطبق ان شاء الله تجربوه يا ربي ويعجبكم ..







وهذا واش قدمت معاه كطبق رئيسي خسارة كنت مازال ما قدمتوش ماخلونيش نصور كالعادة ههههههههه
كنت مازلت نقطع فيه هنا ..اذا عجبتكم ان شاء الله نديرلكم موضوع مستقل ..هاذي شاكلة خروف محشوة بالكفتة
والخلطة الخاصة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله عليك يا اميرة الجزائر
الترفاس رائع و نمووووووووووت عليه
و طريقتك ساهلة
اما طريقتي نحطو في اكياس الشواء ما عالتوابل اللي جايين مع الكيس
يجي ممممممممممممممممممممم يهبل
شكرا غاليتي

__________________________________________________ __________

>>>> الرد الثاني :

المشاركة الأصلية كتبت بواسطة اسماء47
الله الله عليك يا اميرة الجزائر
الترفاس رائع و نمووووووووووت عليه
و طريقتك ساهلة
اما طريقتي نحطو في اكياس الشواء ما عالتوابل اللي جايين مع الكيس
يجي ممممممممممممممممممممم يهبل
شكرا غاليتي

------------------
حتى انا نموت عليه ان شاء الله ربي يرزقك منو من حيث لا تحتسبي كيما انا ههههههههههههههه
جربي طريقتي وانا متاكدة انك رايحة تدعيلي
وانا بدوري ان شاء الله غير نتحصل عليه نجربو بطريقتك ونحطو فالمنتدى ان شاء الله
مشكورة على مرورك حبيبتي نورتيني

__________________________________________________ __________

>>>> الرد الثالث :

يعطيك الصحة هايل طبق روعة

__________________________________________________ __________

>>>> الرد الرابع :

السلام عليكم

خساااارة مانعرفوش وعمري ماذقتو



سخفتونييي

بصحتكم


__________________________________________________ __________

>>>> الرد الخامس :

وااااااااااااااااااااااااو جاك هايل
حتى حنا اليوم نديرو الترفاس بصح حنا نديروه باللحم و الزيتون
نجرب طريقتك