عنوان الموضوع : ازربوا ادخلوا والا لازم تدخلوا المطبخ الجزائري
مقدم من طرف منتديات العندليب

salam 3labali khela3tkom hhhhhhh
mais litadkole hna rabi faraha ...t3icho waroli kifah ndire racheta papa jabhali hia w ljaje w mama makacheha sah chatha kifah daratha mais fi hada mountada kayane nasse i3awnoni w déja 3awnoni rabi farahom mais haba be détai mlih mlih w kindirha ani nhatahalkom tchofo chatra ida jatni mliha


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أنا مانعرفش نديرها لكن ان شاء الله يعاونوك الأخوات

__________________________________________________ __________

>>>> الرد الثاني :

السلام عليكم انا الله غالب ما نعرفش بصح شوفي هذا الروابط وان شاء الله يفيدك فيها حتى كيفاش تخدميها
https://www.djelfa.info/vb/showthread...E1%D1%D4%CA%C9
او هذا الرابط
https://www.djelfa.info/vb/showthread...E1%D1%D4%CA%C9

__________________________________________________ __________

>>>> الرد الثالث :

السلام عليكي أختي رايحة نوريلك طريقتي بسم الله شوفي حكمي الرشتة فوريها أم بعد رشيها بالماء والزيت والملح شوية وخليها تشرب كيما الطعام ماشمخيهاش بزاف ومبعد فوريها ودا شفتيها مزلها يابسة زيديلها رشة و فوريها .
أما المرقة حنا نديروها بيضة قلي الجاج مليح فالزيت والزبدة ومبعد زيدي البصل مسكرفج +قلي مليح+ ماء +قرفة +ملح +فلفل أسود+ كركم ادا كاين +لفت أو قرعة+حميصة وخليها طيب مليح
نرجعو لرشتة نحكمو قدرة ديري فيها الزبدة +الرشتة وقليها مليح ورمي عليها المرقة شوية برك تشرب هاديك المرقة وقدميها بالصحة والهناء

__________________________________________________ __________

>>>> الرد الرابع :

المشاركة الأصلية كتبت بواسطة أم يونس01
السلام عليكي أختي رايحة نوريلك طريقتي بسم الله شوفي حكمي الرشتة فوريها أم بعد رشيها بالماء والزيت والملح شوية وخليها تشرب كيما الطعام ماشمخيهاش بزاف ومبعد فوريها ودا شفتيها مزلها يابسة زيديلها رشة و فوريها .
أما المرقة حنا نديروها بيضة قلي الجاج مليح فالزيت والزبدة ومبعد زيدي البصل مسكرفج +قلي مليح+ ماء +قرفة +ملح +فلفل أسود+ كركم ادا كاين +لفت أو قرعة+حميصة وخليها طيب مليح
نرجعو لرشتة نحكمو قدرة ديري فيها الزبدة +الرشتة وقليها مليح ورمي عليها المرقة شوية برك تشرب هاديك المرقة وقدميها بالصحة والهناء

ملاحظة الرشتة تتفور مرتين الى ثلاثة و مبعد نسقيوها بالمرق الابيض و الحمص و اللفت و القرعة الخضرا اي الكورجات
و الرشتة ما تتجمرش كيما التليتلي راهي تتسقى فقط




اختي الرابط الاول راهي طريقة المرق صحيحة كيما ناس الوسط و لكن الاصل انتاعها ما نديروش الزعفران في المرق ملاحظة قبل ما تفوريها حليها بشوية زيت
و التفويرة الثانية رشيها بشوية ماء قليل قياس فنجان ماء و شوية ملح و خليها ترتاح شوية و زيدي فوريها للمرة الثانية وخليها تفور مليح حتى تحسيها اصبحت طرية شوية
و مبعد ديرلها الزبدة او السمن

__________________________________________________ __________

>>>> الرد الخامس :

المشاركة الأصلية كتبت بواسطة خربشة ناعمة
ملاحظة الرشتة تتفور مرتين الى ثلاثة و مبعد نسقيوها بالمرق الابيض و الحمص و اللفت و القرعة الخضرا اي الكورجات
و الرشتة ما تتجمرش كيما التليتلي راهي تتسقى فقط




اختي الرابط الاول راهي طريقة المرق صحيحة كيما ناس الوسط و لكن الاصل انتاعها ما نديروش الزعفران في المرق ملاحظة قبل ما تفوريها حليها بشوية زيت
و التفويرة الثانية رشيها بشوية ماء قليل قياس فنجان ماء و شوية ملح و خليها ترتاح شوية و زيدي فوريها للمرة الثانية وخليها تفور مليح حتى تحسيها اصبحت طرية شوية
و مبعد ديرلها الزبدة او السمن

ana tani machaftache mama tajamarha ana asalna mane char9 mais a3tikom saha ana gadwa inchallh nasabah 3liha ya3ni la sose mar9a bayda