عنوان الموضوع : طريقة تحضير الدجاج للمبتدئات من مطبخي
مقدم من طرف منتديات العندليب



اليوم فكرت باش نقدم طريقة اعداد الدجاج للمبتدئات و البنات اللي بداو يدخلو للمطبخ
نبدا باسم الله
الجاج نجيبو دجاجة و نفرغوها من الداخل

و نحضر خليط التنظيف و هو كمية من الفرينة + كمية من الملح

و نفرك بها الدجاجة في كل المناطق

راح تسقط اي شوائب موجودة على الجلد مع الفرينة

نشللوها تحت الماء و من بعد نحطوها في اناء به ماء +خل رايحة تخرج تبرق

نقطهو هاذيك الرقبة و نظفو المكان المثقوب فيها

نقطقو منطقة الذيل لكن نخلوها على شكل دائرة

نطيبو شوي روز نص طياب بالملح و الفلفل و الزعفران و الكركم و نوجدوه باه نحشو بيه الدجاجة

قبل عملية الحشو نحط داخل الدجاجة ورق رند و زعتر و نخلهم مليح لداخل و نملحو الجدار الداخلي

و نحشو الدجاجة مليح و نقفلو بعيدان


و نحضرو تتبيلة الدهن شوي زيت +ملح نكثرو الملح+فلفل +موطارد+كركم + كمون + ليمون +سكين جبيراو زنجبيل


نخلطوهم مليح و ندهن الدجاجة في كل الاماكن

من بعد نبرم الاجنحة للخلف

و الفخدين ندخلوهم في هذاك الثقب اللي خليناه من قبل

نقطعو حبات بطاطا و نفرشوهم في طبق الفرن و نرشو عليهم ملح و فلفل

و نحطو فوقهم الدجاجة ثم الى الفرن على حرارة 180 لمدة 2 ساعة رايحة تحمار من كل الجهات و اذا حبيتي تحمريها بزاف شعلي عليها من الفوق لمدة 10 دقائق في اخر مرحلة



ملاحظة مرة على مرة رفدي شوي من لاصوص اللي تنزل منها و ارميها عليها من الفوق
نتمنى نكون توفقت في الشرح و بالصحة و الراحة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممممممممم جاج محمر ياعيني ياعيني

باين طرف هذا ليا خخخخخ بعدو يالبنات


__________________________________________________ __________

>>>> الرد الثاني :

ماشاء الله خرجت روعة بصحتكم الجاجة و البطاطا و الله شهيتيني و انا راني جعانة موتتتتتتتتتتتتتتتتتتتتتتتتتتتتتتتت مشكورة

__________________________________________________ __________

>>>> الرد الثالث :

باين لذييييييذ

شكرا أختي ربي يجازيك كل خير

__________________________________________________ __________

>>>> الرد الرابع :

ماشاء الله يعيطك العافية

__________________________________________________ __________

>>>> الرد الخامس :

هايلة شكرااااااااااااااا لانك شاركتينا الوصفة
بصح كون كملت خيرك و جينا كليناها معاك ههههههههههههههههههه