عنوان الموضوع : معكرونة بالباشمال من مطبخي
مقدم من طرف منتديات العندليب

جربتها وما تشبعي منها
اولا :المقادير كيس معكرونة بالنسبة لعائلة كبيرة_ملعقة كبيرة زيت_ملح_ماء

صلصة الباشمال:نصف لترا حليب_ملعقتين كبار نشاء_بيضة_قطعة زبدة _ملعقة كبيرة فرماج من نوع الأندلس_شوية ملح_جوزة الطيب_ فلفل اسود.
الحشو:لحم مرحي_حبة طماطم كبيرة_نصف ملعقة طماطم مصبرة_3سنات ثوم_حبة بصل_حشاوش_ملح._ملعقة كبيرة زيت
تجيبي طنجرة بهاملعقة كبيرة زيت+كيس معكرونةوعلى نارهادئة وحركي ماتحبسيش حتى تشرب المعكرونة الزيت

ما تخليهاش تحمار بعدا ضفي الماء+شوية ملح وخليها طيب

في هذه الأثناء حضري الحشو :لحم +ملعقة كبيرة زيت +بصل مفروم+ملح+نصف ملعقة طماطم مصبرة+3سنات ثوم+حبة طماطم كبيرة وتكتهيم زيت

وخلطي مليح ثم ضفي الحشاوش

وخليه يطيب

نحضر صلصة الباشمال:في كاسرول ضعي نصف لترا حليب+ملعقتين كبار نشاءوالحليب يكون بارد وخلطي مليح بعده اشعلي عليه النار+بعد ما يغلى انزعيه وحركي بسرعة

شوفي قوامها في الصورة


ضفي قطعة زبدة

+ملعقة كبيرة فرماج وحركي مليح


+شوية ملح+جوزة الطيب+ فلفل اسود بعد مايبرد الخليط ضفي بيضة


بعد ما طيب المعكرونة وتلاحظي انها انتفخت

صفيها من الماء

احكمي مول فرن وادهنيه بشوية زيت ضعي طبقة معكرونة

ثم طبقة لحم

ثم طبقة معكررونة

ثم باشمال

وادخليها للفرن وتكون الحرارة متوسطة

شهية طيبة وادعولي يا ناس الخير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممممممممم شهية يعطيك الصحة و ربي يسهلك امورك يا رب

__________________________________________________ __________

>>>> الرد الثاني :

المشاركة الأصلية كتبت بواسطة نجمة ساطعة
مممممممممممممم شهية يعطيك الصحة و ربي يسهلك امورك يا رب

الله يسلمك ان شاء الله وشكرا على الكلام الحلو يا الناس الزينة

__________________________________________________ __________

>>>> الرد الثالث :

كي نجيكم طيبيهالي ولا ما ندعيلكش
هههه نضحك معاك برك

__________________________________________________ __________

>>>> الرد الرابع :

يشهي يعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة شاملة لينة
كي نجيكم طيبيهالي ولا ما ندعيلكش
هههه نضحك معاك برك

انا نطيبلك وانتي كلي وادعي لي هههههههه