عنوان الموضوع : غراتان البطاطا و الدجاج من مطبخي المتواضع طبق جزائري
مقدم من طرف منتديات العندليب

سلااااااااااااااااااااااااام عليكم يا لبنات
هادي أول مرة نحط فيها موضوع في قسم الطبخ من مطبخي
(موالفة غير نجرب و نحط التطبيق)
بلا ما نطول عليكم نبداو بسم الله

المقادير
الصوص 1 : نحط الزيت يسخن و نحط فيه نصف صدر دجاج كيما يتحمر نضيف البصلة و شوية ثوم و ملح و فلفل أبيض و شوية ذواقة ونزيدو المعدنوس و نخليو الكل يتقلى و نمرقو و نخليو الدجاج يطيب


كيما تقرب الصوص تطيب نوجدو البطاطا نقطعوها مربعات صغيرة و نحطوها تتقلى



كيما تتقلى نحطوها في المول تاع الغراتا و نحيو صدر الدجاج بعد ما طاب و نقطعوه قطع صغيرة و نحطوه فوق البطاطا

الصوص 2: نخلطو من 4 إلى 5 بيضات + شوية حليب + شوية صوص اللي طاب فيه الدجاج + الفرماج



و نصبوه فوق البطاطا و نخلطوهم الكل في بعضاهم



و ندخلو المول يطيب في الفرن ، نشعلو من تحت كي يطيب نزيدو نشعلو من فوق لكي يكتسب اللون الذهبي كيما هكا



بعد ما يطيب نقصو الغراتا و نحكوه في الصحن و بالصحا و الهناء



صدقوني والله جا بنين و يذوب في الفم و شوية مبلول مش شايح أممممممممممممم

و هادي لأول واحدة ترد و تشجعني ههههههههههههههه







>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة هذيك لي انا هههه

__________________________________________________ __________

>>>> الرد الثاني :

Bssaha w lahna
Ammmmmmmmmm
Sakhaftini nmout 3lih
Ye3tik essaha

__________________________________________________ __________

>>>> الرد الثالث :

المشاركة الأصلية كتبت بواسطة مونية ك
يعطيك الصحة هذيك لي انا هههه


بصحتك حنونة

__________________________________________________ __________

>>>> الرد الرابع :

المشاركة الأصلية كتبت بواسطة أم سراج الدين
bssaha w lahna
ammmmmmmmmm
sakhaftini nmout 3lih
ye3tik essaha


الله يسلمك
خفيف و بنين نتمنى تجربيه

__________________________________________________ __________

>>>> الرد الخامس :

سخفتيني........باين بنين...