خبز الثوم
عنوان الموضوع : خبز الثوم
مقدم من طرف منتديات العندليب
السلام عليكم
الخبز هذا لقيت الوصفة نتاعو في النت و جربتو و جا هايل قلت نحطلكم الوصفة
المقادير
400غ فرينة
20غ سكر
½ م.ص ملح (انا القيس ليديرتو عيني ميزاني هو و السكر و الخميرة)
1 و.ص خميرة تع الخبز
حليب دافئ للعجن
30غ زبدة
التزين
60غ زبدة بحرارة الغرفة
ملح
8 الى 10 فصوص ثوم
2 ملاعق كبار معدنوس
الطريقة
نخلط المكونات الجافة مع بعض
و نعجنو بالحليب كيتولي عجينة نزيدو مكعبات الزبدة
و نعجنو حتى تولي عجينة ملساء
نخليها تخمار
و مبعد نكورها الى كويرات و نخليها تزيد تخمار
وبعد ماتخمار نديرو فيها علامة + بسكين حاد
نوجدو الحشو( التزين ) ليراح نلوحوه في العلامة + ليديرناها
8 الى 10 فصوص ثوم + 60 غ زبدة طرية +2 ملاعق كبار معدنوس+ ملح
و نحطوه يطيب على درجو حرارة 180
حتى يطيب و يحمار
[://.]
و ان شاء الله تعجبكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
baraka laho fiki okheti bidni lah njerbha lyoum o n9oulk
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
كل مانكتب تروح الانترنت ههههه
ام شالله هاذ المرة تتبعث الرد نتاعي
عجبني بزاف هاد الخبز ان شالله مجربو ومردلك الخبر انا نحب بزاف الثوم اممممممممممم خرجتلك روعة
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
اممم يعطيك الصحة يشهي
رد مع اقتباس
