عنوان الموضوع : غراتان بطاطا و دجاج خطوة بخطوة طبخ جزائري
مقدم من طرف منتديات العندليب



صباح الخير



جيبتلكم اليوم غراتان الدجاج و البطاطا كانت طلباتو مني الغالية ام ريمة و انا طولت عليها باش حطيتو نقولها اسمحيلي اسمحيلي

هذي هي الطريقة ان شاء الله يعجبك الغراتان

بالنسبة للمقادير باش ماتخلعوش انا ديرت كمية كبيرة و انت عينك ميزانك و قد الكمية تع عدد افراد اسرتك

المقادير

بالنسبة للمرق

بصل مرحي

ثوم مرحي

مغرف كبيرة موتارد

مغرف كبيرة معدنوس

مغرف كبيرة دبشة

صدر دجاج او سكلوب انا ديرتهم في زوج لأنو ديرت كمية كبيرة

ملح
فلفل اسود

مغرف صغيرة كسبر

ربع ملعقة صغيرة كمون

مالء سخون للمرق

بالنسبة لباقي المقادير

بطاطا مكعبات مقلية

فطر
زيتون مغلى مقطع

بيض لجمع الخليط

خبز يابس مرحي
فرماج مكعبات

فرماج رابي






الطريقة نحضر المرق

نضع قليل من الزيت عليه البصل و نتركه حتى ينشف ماءه نضيف باقي مكونات المرق و ننقض عليه النار و نخليه يتقلى اذا خفت يتحرقللك و لا نشف منو الماء بزاف زيدي قدر فنجان ماء و خليه يتقلى بعد مانكون غطينا على القدر













كي يتقلى نمرقوه بالماء السخون و نخليه يطيب

في هذا الوقت نقليو البطاطا
كي يطيب المرق نحيو منو اللحم و نخليه يبرد و نفتتوه و نحطوه في صحن


نضيفيلو زيتون+فطر+فرماج مكعبات+بطاطا+مرق لي طيبنا فيه الجاج مي مش كامل و نديرو الخبز المرحي+البيض











و نحركو المزيج و نقدرو نزيدو الخبز اذا لقيناها شوية جارية لازم المزيج يكون كيما راهو موضح في الصورة



و نديروه في مول و نديرو فوقو الخبز مرحي و الى الفرن


كي طيب نحمرها من فوق










نعرفها بلي طابت كينلقاوها حكمت روحها و المزيج ليديرناه جمد يعني حاكم روحو

كي نحمرها من فوق نجبدها و ندير فوقها فرماج رابي "اختياري حابة ديري ولا لا"





و نرجعها للفرن حتى يذوب الجبن








و نخليها تبرد و نقطعها انا راني ماخليتهاش تبرد كنت مزروبة



















و شهية طيبة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحمد لله ربي قدرني و كملت الموضوع راني تعبانة ماجيت نحطو

__________________________________________________ __________

>>>> الرد الثاني :

هههههههههههههه لا تتأخري

__________________________________________________ __________

>>>> الرد الثالث :

اممممممم رووووووعه يعطيك الصحه

__________________________________________________ __________

>>>> الرد الرابع :

شهىتىنى وانا جوعانة انشاءله ماطوليش

__________________________________________________ __________

>>>> الرد الخامس :

أنا ثاني نديروا بطريقة تشبه طريقتك و هو من أطباقي المفضلة ، يعطيك الصحة