عنوان الموضوع : كاب كيك وليبركات بالبطاطا طريقة جزائرية
مقدم من طرف منتديات العندليب



سلام اخواتي اليوم عملت طبق بالبطاطا بنين وبريزونتابل

اولا في الليل فورت البطاطا 10 دقائق ورابيتها بلاراب الجهة الخشينة وبيتها في الفريجدان

وفي الصباح عملتها شوي بهارات وملح وشوي معدنوس والبيض وخلطتها

وعملت حشو بطماطم حب وفلفل وبصل وشوي بهارات وطيبتهم وفي الاخير نضيف علبة تونة صغيرة تاع زيت

ناخذ شوي من البطاطا ونحط في اليد ونحط في الوسط شوي حشو ونضيف شوي من البطاطا ونغلق


ثم نمرغدها في لشابلير فيه شوي ملح وفلفل اسود



ونحطها في مول الكاب كايك




والشكل الثاني ليبركات ناخذ كرة من البطاطا ونمرغدها في لشابلير ثم


نحطها في مول ليبركات وونعدلها ونعمل حفرة في الوسط ونحط شوي من الحشو بعد ما نضيفل شوي بيض

ونتحصل على هاذم



ونحطهم في الفرن










من حاجة بسيطة نطلع حاجة جميلة ويا عيني عالبطاطا




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

فكرة هايلة ام ساجد نجربوها اكيد
يعطيك الصحة

__________________________________________________ __________

>>>> الرد الثاني :

الله يسلمك حبيبتي ام رجاء شكرا

__________________________________________________ __________

>>>> الرد الثالث :

كلها متحوف ما شاء الله

__________________________________________________ __________

>>>> الرد الرابع :

اممممممممممممممم فكرة مليحة عجبتني
الاولى ممكن نجربها غدوة نرجع لك الخبر
يعطيك الصحة

__________________________________________________ __________

>>>> الرد الخامس :

الاولى هااااااايلة الله يعطيك الصحة