عنوان الموضوع : تخزين الجلبانة (سوئال) من مطبخي
مقدم من طرف منتديات العندليب

سلام عليكم



كيف حالكم أن شاء الله لباس

قصدكم حباباتي ونتمنى نلقا جواب من عندكم

عندي كم من الجلبانة كمية بزايد. وحبيت نغزنها

وحبيت نسقسيكم ونستفيد منكم بجاه ربي متبخلوش عليا

هكذا كذالك لي تحب تستفيد تستفيد

سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي هذه الطريقة بالاك تعجبك و تفيدك

https://www.djelfa.info/vb/showthread.php?t=935090

__________________________________________________ __________

>>>> الرد الثاني :

شوفي ختي انا اول وحدة نرد عليك شوفي نمدلك طريقتي في تجميد الجلبانة شوفي نقيها وحطيها في قرع تاع السعيدة وحطيها في المجمد وقت ما تحبي استعمليها بصح بشرط كي تحبي اطيبيها اجبديها قبل ب 1/2سا الى 1سا وخلليها في عقلها تدوب ونحي الكمية اللي رايحا اديريها ورجعي الباقي الى المجمد وهاد
ديك اللي نحيتيلها كبيلها ماء سخون وخلليها تركح وفوريها او كيما تحبي طيبيها في الكوكوط

__________________________________________________ __________

>>>> الرد الثالث :

انا طريقتي نقيها و نغسلها مليح في بسينة نفرغ الماء و نعاود نشللها و نصفيها في كسكاس و نفورها ل 5 د غير يظربها الفوار نحيها و نخبيها في اكياس نتاع حليب لحظة او ساشيات الشفافين و كنطيب كنقلي اللحم او الدجاج نحطها مباشرة و نحليها تتقلا بعض دقائق و نمرق عادي

__________________________________________________ __________

>>>> الرد الرابع :

احسن طريقة هي طريقة القرعة الي قالت عليها الاخت انا شخصيا مجربتها و تمد نتيجة هايلة تاكلو بصحتكم

__________________________________________________ __________

>>>> الرد الخامس :

السلام عليكم
اختي بعدما تنقي الجلبانة اغسليها مليح وخليها تقطر مليح مليح بعدها حطيها في قارورات الماء وحطيها في المجمد
ووقت ما تحبي تخدمي بيها خرجيها بوقت