عنوان الموضوع : اروع حساء الجلبانة الجافة من مطبخى من مطبخي
مقدم من طرف منتديات العندليب

السلام عليكم ورحمة الله




وصفتنا اليوم هى pois cassé soupe







لتحضيرها نحتاج الى

قطعة لحم حبذا يكون فيه العظم يعنى ماشي هبرة او دجاج وممكن تستغناو عليهم وممكن

حبة بصل متوسطة
4او 5 سنات توم
ربطة قسبر وغصن كرافس
2 حبات بطاطا متوسطين
2حبات جزر متوسطين
فلفل اسود +كمون+راس الحانوت
هادو كااامل نقليوهم في شوية زيت نقليهم مليح



بعدها نضيفو الجلبانة اليابسة تكون مغسولة مليييح


نقلب مليح ونخليها تتقلى مع الخضر واللحم


نمرقها بماء ساخن
ملاحظة انا زدت ملعقة صغيرة طماطم مصبرة خفت يشوفوها خضرا ما يحبوش ياكلوها


ونخليها تغي ..
ادا استعملتى كوكوت اغلقي عليها وخليها شي نصف ساعة هكداك
وادا قدر عادى من 45د الى ساعة هكداك
كاين اللي بالخف تطيب ممكن اقل
انا درتها ف ككوت نصف ساعة كانت زبدة تتحرحر
هنا بعد نصف ساعة


الان نميكسيها مليح طبعا نحيو قطعة اللحم او الدجاج ونميكسي كلش ونضيف الملح وندوق
الملح في الحبوب الجافة عمركم ماتحطوه في البداية لانو راح يقسيها وتاخد وقت ف اطياب دايما خلوه ف الاخير ولا حطو شوية برك ف الاول ومن بعد زيدو
ادا شفتو الحساء ثقيل زيدو شوية ماء يكون سخون سخووون وخليوها تزيد تغلي شوية برك
الان الاضافة الضرورية لااااازم لاااازم تديروها تعطيها طعم خيااااااااااااااال هى ملعقة زبدة او سمن
صدقوووووونى تزيدها وحد البنة راااااااااااائعة والتجربة خير برهان


وطفيو عليها وخليو الزبدة تدوب وحركوها امممممممممممممممممم
ودوك جوزو معايا نجيبو حبيبة قارص اممممممم

ونقطعو فوق لا سوب القصبر ونزينها بالقارص وكى نغرف منها نعصر تان والطعم صدقونى خياااااااال والله اللي ما يحبهاش يعود يموت عليها
وزيد هدا ما ينفع مع الايام الجاية ايام البرد والشتا





وف الاخير نقول


لا تحرمونا من ردودكم وارائكم وانتقاداتكم وطبعا تقييمكم للموضوع




نتمنى تجربوها ونشوف تطبيقاتكم وراح تعجبكم اكيد بادن الله






ماتقوليليش راكى خارجة بلاما ديري شكرا ولا تحطى رد



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة يبان بنين
المهم لحق جيت نسلف من عندك القارص

__________________________________________________ __________

>>>> الرد الثاني :

Ya3tek saha wallah jewa3tini barek allah fik

__________________________________________________ __________

>>>> الرد الثالث :

الله الله عليك حياتى شاطر فى كلش خموس عليك رغم انى ما نكلش الجلبانة بصح شهتينى 444444444444444444

__________________________________________________ __________

>>>> الرد الرابع :

المشاركة الأصلية كتبت بواسطة أم امتنان
يعطيك الصحة يبان بنين
المهم لحق جيت نسلف من عندك القارص

الله يسلمك
روحى للشجرة وخوذى كيما تحبي



المشاركة الأصلية كتبت بواسطة oum nabil
Ya3tek saha wallah jewa3tini barek allah fik

الله يسلمك شكراااااااااا لمرورك غاليتى

__________________________________________________ __________

>>>> الرد الخامس :

المشاركة الأصلية كتبت بواسطة باسم وبيسان
الله الله عليك حياتى شاطر فى كلش خموس عليك رغم انى ما نكلش الجلبانة بصح شهتينى 444444444444444444

اهلا بيك نورتى الموضوع وحشمتينى :d:d:d
صدقينى حتى انا مانحبش الجلبانة ولاسوب هادى بالدات درتها وانا دايرة في بالي ماناكلهاش لكن كى دقتها طعمها خياااااااااااال وفعلا تستحق التجريب