طجين الجلبان بالدجاج في الفرن مع كريات البطاطا طريقة جزائرية
عنوان الموضوع : طجين الجلبان بالدجاج في الفرن مع كريات البطاطا طريقة جزائرية
مقدم من طرف منتديات العندليب
السلام عليكم يالشاطرات
حبيت نقدملكم واش طيبت للعشاء اليوم
اكلة موسمية مع شوية رتوشاتبأفكار الفحلات انتاع منتدنا الغالي
أولا نجيب الجلبان ونفوروه بشوية ملح
نطيبو الدجاج مرقة بيضاء لكن انا نسيت روحي وحطيت زعفران ايا رجعتها مرقة حمراء
نرابي البطاطا ونتبلوها بملح وفلفل أسود مع شوية قسبر ونحط فيها بيضة واحدة
ونشكلها كوريات ونحشيها بالكفتة او دجاج على حسب الموجود
نكملو الكريات انتاعنا
نقلوهم في الزيت ونحطوهم على مناديل ورقية
في نفس الوقت يكون الدجاج طاب نحوه من المرق ونعملوه في صينية مع شوية زبدة ونحطوه في الفرن
كذلك الجلبان في صينية مع مكعبات صغيرة زبدة وفلفل أسود وندخلوه هو تاني للفرن
بعد مايتحمر الدجاج والجلبان يستوي مليح
نقدموه بهذا الشكل ونزينوه بكريات البطاطاوتحطوله شوية انتاع المرقة
هاهي كرية البطاطا من الداخل
مرفوق بسلطة خضراء
أتمنى ان يعجبكم وشهيتكم طيبة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هايلة يعطيك الصحة تسلم إيدك
__________________________________________________ __________
>>>> الرد الثاني :
يعطيك الصحة يسلم يديك
__________________________________________________ __________
>>>> الرد الثالث :
هايلة يعطيك الصحة
__________________________________________________ __________
>>>> الرد الرابع :
mmmmmmmmmmm bayna bnina ya3tik saha
__________________________________________________ __________
>>>> الرد الخامس :
روووووعة شهتيني الله يعطيك الصحة مشكوووووورة
رد مع اقتباس
