شيفلور في الفرن رررررررررررائع المطبخ الجزائري
عنوان الموضوع : شيفلور في الفرن رررررررررررائع المطبخ الجزائري
مقدم من طرف منتديات العندليب
سلام الى الغاليات
اليوم جبت و صفة خاصة بالشيفلور حبيت نخرج على المعتاد اللي هو الشيفلور المقلي و عادة يجي ثقيل لانو يشرب الزيت بزاف قلت نغير و لقيت انو يجي خفيف و اكيييييييد بنييييييييييييين
تجيبي راس انتاع شيفلور و تنقيه و تغسليه و ديريه يفور مع شوية ملح
و من جهة اخرى تجيبي الطنجرة انتاعك ديري فيها نص حبة بصل و اقسميها على زوج و حبتين ثوم واقسميها كذالك على اثنين و التوابل انتي وواش تحبي انا درت كسبر و شوية كمون و فلفل حار احمر و ملح و زيدي فلفل اكحل و زوج ورقات رند انا ماكانش عندي و طبعا زيت و طرف دجاج ومن الاحسن الصدر لكن انا الصدر درتو في الشوارما وليت درت الفخذ
و تقليها شوية و من بعد مرقيها و خلي الدجاج يطيب
كي يطيب الشفلور نحيه و ديريه في بلا انتاع الفرن كيما في الصورة و قطعي فوقو الجبن و الدجاج
من جهة صفي المرق و ديري صوص البيشامال انا درت نص كاس ماء و ذوبت فيه ملعقتين كبار مايزينة و ملعقتين كبار حليب غبرة و اضفتهم للمرق و قطعتي جبن المثلثات مقطعة و حطيها على النار و حركي دون توقف حتى يخثار الخليط
و من بعد فرغي خليط البيشمال فوق الشيفلور و ذرذري الجبن المبشور من الاحسن غريار و اذا ماعندكش فرماج احمر
انا درت بالعادي ماكانش عندي الغريار و كذالك ديري شوية دبشة اي حشيشة مقطفة او معدنوس انا ماكانش عندي هاهاهاهاهاهاها صدقوني البلاد اللي راني فيها بالذراع نلقاو البطاطا و البصل و الطماطم اسمحولي برك راني حبيت نمدلكم فكرة الوصفة و كل وحدة و امكانياتها اللي تحب ادير باللحم المرحي كذلك ....المقادير هذه لشخصين فقط انا و زوجياللي عندها العائلة كبيرة تكثر و الجبن اللي ما تحبوش ماتكثرش انا زوجي يحبو على هذي كثرت و ديريه في الفرن يطيب شعليلو من تحت كي يغلي شوية شعلي عليه من فوق باش يذوب الفرماج و يحمارو هذا الشكل النهائي و شهية طيبة
و لاتنسوني بالدعاء
سلام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ووووااااااووووووووووو روعة يهبل وشهيتيني تاكلوه بالصحة والهنا حنونة
__________________________________________________ __________
>>>> الرد الثاني :
رووووووووعة
__________________________________________________ __________
>>>> الرد الثالث :
امممممممممممممممممم روعة يعطيك الصحة حبوبتي .
__________________________________________________ __________
>>>> الرد الرابع :
المشاركة الأصلية كتبت بواسطة غزة في عيوني 
رووووووووعة
شكرا اختي
المشاركة الأصلية كتبت بواسطة أم محمد تاج
ووووااااااووووووووووو روعة يهبل وشهيتيني تاكلوه بالصحة والهنا حنونة
الله يسلمك يا الغالية
المشاركة الأصلية كتبت بواسطة اولادي حياتي
امممممممممممممممممم روعة يعطيك الصحة حبوبتي .
ربي يخليك حنونة
__________________________________________________ __________
>>>> الرد الخامس :
يعطيك الصحة
رد مع اقتباس
