عنوان الموضوع : جديد بادنجان سيجار رولي وفارسي+اعادة للبادنجان المحشي المطبخ الجزائري
مقدم من طرف منتديات العندليب

السلام عليكم نظرا لطلبات الاخوات فيما يخص مراحل عمل البادنجان المحشي بالجبن راني عاودت عملتو وصورت المراحل بالتفصيل وزدت عمل اضافة من عندي وهي بادنجان سيجار بطريقة جديدة وبشكل جديد نتمنى يعجبكم
هاد المرة قليت البادنجان قبل مانحشيه وجا المداق خير من اللي عملتو المرة السابقة في الفرن
المهم نخليكم مع الصور ونتمنى تجربوه لانو فعلا رائع ويصلح للعرضات والعزومات انا عملتو للغدا مع سلاطة وبطاطا مقلية واي استفسار انا في الخدمة
ماتنساوش تعطوني رايكم راني نستنى

المكونات
بادنجان +فروماج وممكن تتعملي لحم مفروم في مكانو +بيضة مخفوقة+فرينة+خبز مرحي او شلبلير+زيت للقلي



اولا تنقي البادنجان وتقطعيه شرائح متوسطة عدليها بالسكين حتى تولي كل شريحتين من نفس الشكل والحجم ترشيها بالملح وتخليها 5د حتى تطلق الماء تنشفيها منو بورق ماص



تقليها في الزيت من غير ماتتحمر وتحطيها على ورق ماص حتى تبرد



تاخدي شريحة تحطي فيها قطعة من الفوماج انا بصراحة كل اطباقي نستعمل فيها جبن باربار فعلا روعة او تحطي حربوش من اللحم المفروم حسب الرغبة وترولي حتى يولي شكل سيجار







مرغديه في الفرينة مليح خاصة الجوانب



ثم في البيضة المخفوقة مع شوية ملح



ثم في الشابلير



او ديري طبقة من الجبن او اللحم المفروم فوق شريحة البادنجان



غطيها بشريحة تانية من البادنجان



مرغديها في الفرينة ثم البيض ثم الشابلير






اقليهم في زيت غزيرة وحطيهم مباشرة فوق الورق الماص



قدميهم مع سلاطة او بطاطا مقلية ولا حسب الرغبة








شوفو الشكل من الداخل والجبن دايب اممممممممممممممم طعم لا يقاوم






راني نستنى تقييمكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

3ajbatni la recette njarabha merci

__________________________________________________ __________

>>>> الرد الثاني :

المشاركة الأصلية كتبت بواسطة nournour59
3ajbatni la recette njarabha merci

مشكورة اختي العزيزة على المرور وراني بانتظار تطبيقك ورايك يهمني

__________________________________________________ __________

>>>> الرد الثالث :

يعطيك الصحة يا لحبيبة
والله مواضيعك رائعة وطبخك أروع
عن نفسي استفدت كثيرا منك

ربي يخليك ويعطيك ما تتمناي

__________________________________________________ __________

>>>> الرد الرابع :

المشاركة الأصلية كتبت بواسطة *عاشقة الجنة*
يعطيك الصحة يا لحبيبة
والله مواضيعك رائعة وطبخك أروع
عن نفسي استفدت كثيرا منك

ربي يخليك ويعطيك ما تتمناي

الله يسلمك اختي مرورك هو الاروع
حتى انتي مواضيعك كلها روعة وانا تاني من متتبعيها ومنين نجوع ندخل نشوف الزيراوي نسخف مليح ونخرج هههه
ادعيلي معاك ربي يرزقني الذرية الصالحة

__________________________________________________ __________

>>>> الرد الخامس :

يعطيك الصحة نجربها و نردلك لخبر