عنوان الموضوع : فطائر محشية بالطون والفرماج بعجينة المايونيز الرائعة المطبخ الجزائري
مقدم من طرف منتديات العندليب

السلام عليكم ورحمة الله

هذه اول موضوع لي في المنتدى اتمنى ان ينال اعجابكم واستحسانكم

فطائر محشية بالطون والفرماج بعجينة المايونيز

ايه المايونيز عجينة ذوقها رهيب وخفتها ولا اروع
للاخت وردة مغربية من منتدى اخر الله يبارك فيها ويجازيها احسن جزاء

[IMG][/IMG]
اولا نبداو بالعجينة
عجينة المايونيز
400 غ فرينة
90غ مايونيز تقريبا ثلاث ملاعق كبيرة مملوءة
مغرف كبيرة سكر
مغرف كبيرة خمارة الخبز
مغرف صغيرة ملح
200ملل ماء دافئ
التحضير
نحط الماء +سكر+مايونيز ونخلط +فرينة+ملح+خمارة تعجن جيدا هي تبقي خفيفة ونخلوها تخمر
[IMG][/IMG]

نحضر الحشو
بصلة مقطعة رقيقة في مقلاة مع الزيت والملح نخلوها تتشحر نضيف زيتون مقطع دوائر نضيف معدنوس في الخير نضيف الطون مصفي من الزيت والفرماج نخلوه يدوب نخلوها تبرد على جهة
انا ضفت الدجاج كان عندي
[IMG][/IMG]
نرجع للعجين نقطعها كويرات
ناخد كرة نحلها نرش الفرينة طبعا نحلها على شكل مستطيل وبقطاعة البيتزا ندير شرائط من الجهة العلوية كما توضح الصورة والجهة التحتية نحط الحشو ونبدا نلفها عادي وندورها على شكل كراواصون ونحطها في سينية مدهونة ونخليها تخمر شوي نطليها بالبيض مع شوي نسكافي وندخلها للفرن
[IMG][/IMG]
ملاحظة !!!!!!!!!!
لبنات مالازمش تخلو العجينة خشينة باش ما تعيكومش معجنة
ايضا اثناء اللف لازم لفة اثنين وخلاص ما تبقاوش تلفو وتعاودو ماشي بورابح هذا هههههههه
يعني اثناء توريق الكرة عينكم ميزانكم باش تجي سوى سوى
ودمتم سالمين
وبالصحة والراحة على قلوبكم
راها تجي بنينه بزااااف وخفيفة
[IMG][/IMG]
دعوة خير لي ولصاحبة الوصفة ربي يحفظكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايلة يعطيك الصحة امممممممممممممممممممممم

__________________________________________________ __________

>>>> الرد الثاني :

المشاركة الأصلية كتبت بواسطة أم ياسين الزهراء
هايلة يعطيك الصحة امممممممممممممممممممممم

الله يسلمك اختي ام ياسين
شرفتيني

__________________________________________________ __________

>>>> الرد الثالث :

ماشاء الله روعة

بارك الله فيك

__________________________________________________ __________

>>>> الرد الرابع :

روعة شكرًا لك وجزاك الله كل خير

__________________________________________________ __________

>>>> الرد الخامس :

هايلة يعطيك الصحة