عنوان الموضوع : نشريلك ولدي حاسوب (محاولة شعرية) بيداغوجية
مقدم من طرف منتديات العندليب

قبل كل شيء أعتذر من سادتي المشرفين وأستسمحهم في عدم حذف هذه الكلمات المبعثرة التي أهديها إلى كل معلم

ياولدي مزق لكتوب ****** غدوة نشر يلك حا سوب
هايل يهدر بالمقلـوب ****** قوقل مايصعاب علــــيك
كلش يخدم بالنظــــام ****** ألتطلبها ثم أدجــــــــــيك
أنت حر ماكش مملوك ***** بدل عنك ذا السلــــــــوك
أتويـــر والفايسبوك ****** أتمتع رآهم ظلمـــــــــوك
ربي ياستــــرلعيــوب ***** رحمنا وأحنا نعصــــــوك
ذا الفعل أيقلب لمواجع***** ماعندوش الوقت أيراجع
الدراسة ر آهــا تصعاب***** المعلم لالوم أعليــــــــــــه
الوقت أتبدل يارجالــــة**** لمخير ينسى ماضيـــــــــه
اللبسة صارت مكشوفة***** والهاتف غالق وذ نيــــــه
لحفافة عند متحـــوفــة**** جيل اللحظة طرطق عينيه
المعلم ما عندو قيمــــة**** الوزارة تتمسخـــــر بـــيه
كتبوا عنو في الجــرائد**** الشـينة نسبوها ليــــــــــه
ذا الأقلام رآها مأجورة **** شكــــيب أعـــلاه أنسيتيه
الجعبة عندو مقعـــورة***** والعطشان لازم يرويــــه
فئتنا رآها محــــقـورة ***** والفيلي بينـــــا مقعــورة
لعبتنا ماتت في دورة******* والفائـــز كان الوزيــــــــر
كي اتكلمني عالنقــابة**** يالخاوة رآنا في غـــــابــة
حقي ضايع ياعجـــابـة***** حالي مانرضاش أعليـــــه



والسلام ختام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كلمات مليحة مي عندي ملاحظة عنوان المحاولة الشعرية كان من المفروض يكون المعلم لانه في الاخير اطنبت في الكلام عنه و ليس ياولدي نشريلك حاسوب يظهرلي انو في محاولتك الممت بموضوع الحاسوب وطريقة لبس شباب اليوم ومكانة المعلم الحالية في المجتمع

=========


>>>> الرد الثاني :

Kalam jamil wa ma3na arwa3
Zid kater minhom

=========


>>>> الرد الثالث :


=========


>>>> الرد الرابع :


=========


>>>> الرد الخامس :


=========