عنوان الموضوع : والله مافهمت والوا ؟؟؟؟؟ بكالوريا علمي
مقدم من طرف منتديات العندليب

السلام عليكم
فضيحة في ثانويتنا ارجوكم اقرءوا معاناة التلاميذ
ياخاوتي قولولي كيافاش تفهموا حنا رانا متاخرين في الدروس بزاف واليوم درونا باك تجريبي وكي رحت لليسي لقيت رحي حانفوت في المخبر ؟؟؟؟؟؟؟؟؟ هذ حاجة مستحيل واش نقولكم ربعة في البوتاجي وزيد الاستاذ ماكاش والتلاميذ ماحبوش يديرو الاختبار بسبب العتبة وشكون حا يشوفهم مع هذاك المدير اللي والله ماوفاهم والوا كي رحت سقسيت على استا\ الحراصة واش قالي اي واشبيك طيري روحي قبضي بلاستك في الكلاس او بعد يجي الشيخ وتفوتوا غير في المخبر...
علابلكم الناس بداو الاختبار على ساعة وحنا على الساعة بدينا على 9 وعسنا مساعد ة الادارة وتلميذ داخل واحد خارج والله جيت هابطة لدار مع الحس والهداير تاعهم والله ما نسمحلهمش مابديت نشوف والو في الورقة الاستاذة تاع الفوج الاخر قوتلها نجي ندير عندك الاختبار قالتلي لا ماعرفت والو الواحد ما ارقدش ظل يقرا وعلى تالي هذ المصيبة
جدوا لي اخواني حلا ماتبقى الا انتم واقفين معي ....


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ننصح اختي
متكسريش راسك بيهم ركزي مع ورقتك وانسي كان راكي في المخبر المهم مدامك قلتي الواحد يبات يقرى متخليش مجهوداتك تروح على ناس معلابالهمش بيك للاسف
المهم ربي يوفقك وما تنسيش ما تتولهي بحتى حاجة غير الورقة اللي قدامك

=========


>>>> الرد الثاني :

شكرا على مساعدتي اختي

=========


>>>> الرد الثالث :

اقولها لك بكل صراحة انت اكبر بكثير من هاته الظروف اؤكد لك هذا تفائلي خيراا .. ربي ينجحك .... ولاكترثي بهم

=========


>>>> الرد الرابع :

المشاركة الأصلية كتبت بواسطة كاميليا الجزائرية
شكرا على مساعدتي اختي

العفو حنونة

=========


>>>> الرد الخامس :

السلام عليكم
حبيت نشارككم برأيي
معليش تديرو الباك تجريبي بمثابة اختبار وتحضير للنفس اولا
في هذي الفترة لازملنا الهدوء
و بلا قلق وستراس
وان شاء الله تفوت على خير
والسلام

=========


لقد ارجعت نفسيتي بعدما انهرت كليا شكرا لك كثيراااااااااااااااا وعلى كلامك الرائع والراقي


هم واش يحبوا يدير مدام رانا نحضرو ربي ما يخليناش
ان شاء الله
و العفو و ان شاء الله ننجحوا كامل
والسلام

مشكور دالي رامي وعلى عباراتك الراقية لقد شجعتني كثيرا الله يحقق حلمك

يا جماعة ديروا في بالكم بلي ربي سبحانو والله ما يضيع حتى واحد واللي قرى وتعب وحب ينجح والله ينجح والله ينجح


السلام عليكم

أختي كامل الإدارات معوجين

راكي عارفة بلادنا

ما تديريش عليهم

حنا خلاونا بلا أستاذ رياضيات حتى جبناه وحدنا

نقلك حاجة وحدة

أنت ديري اللي عليك : اقراي مليح

و اتوكلي على ربي و ربي سبحانه راه دايما مع عبدو

و نحي من راسك بللي كاينين ناس كيما هذوا

حوايج بزاف صارت معانا كيما هذي بصح ما تخلي حتى حاجة تغلب الإرادة تاعك

بالتوفيق