عنوان الموضوع : كسرة رخسيس للمبتدئات من مطبخي ادخلن طبخ جزائري
مقدم من طرف منتديات العندليب




جبتلكم اليوم كسرة رخسيس أو كيما يسميوها البعض الفطير باش يتعلمو المبتدئات وراح نعتلكم طريقتي في تحضيرها مع المقادير طبعا



أنا كيلت بهذا الكاس

3 كيسان سميد
2 ملاعق صغيرة ملح
ملعقة صغيرة سكر
ملعقة صغيرة خميرة الخبز
شوي جلجلان انا درت ملعقة صغيرة واذا حبيتي نقصي لكن تجي بنينة بالجلجلان
نصف كأس زيت
ماء دافي باش تلمي بيه العجين الماء مقدرتش نتي والسميد لي عندك


حطي المكونات الجافة + الزيت وبسسيه حكيه شوي بيديك حتى يولي مرمل كيما في الصورة


الان لميه بالماء الدافي ، الدافي وماشي سخون لميه ودخليه في بعضاه بيديك الاثنين ذهاب واياب لكل يد ومتنسايش تلمي العجين يلي على القصعة متخليش العجين لاصق على اطرافها هاذ الخدمة يديروها الفنيانات ههههههههههه


بعد مايكون تلم العجين مع اضافة الماء تدريجيا حتان يتماسك ومايكونش يابس كي تقيسيه بصبعك يكون طري وغطيه بكيس بلاستيكي وفوقو منشفة متكونش خشينة وخليه يرتاح 20 د وشعلي الطابونة وحطي الطاجين يسخن مليح


الان بعد ما يكون العجين رتاح زيدي أعجنيه غير شوي برك غير يزيد يحكم روحو وديريه كويرات كبار هاذي الكمية تجيك 2 قرص ملاح وحلي العجينة بالحلال وثقبيها بالشوكة وحطيها طيب ولكن كي تحلي القرصة



طيبها مباشرة متقرصيش وتخليها تستنا على خاتر تجي مشلفطة في الطياب
وهاهو بعد الطياب



انشاء الله نكون أفدتكم وتجربوه البنة هايلة يبان قاطو



اللهم صلي وسلم وبارك على سيدنا محمد


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة جات تسخف شهيتيني امممممممممممم دمت وفية لنا

__________________________________________________ __________

>>>> الرد الثاني :

يشهيييييييييييييييييييييييي حنا منديروهش خلاص و تقول طليتي علا قلبي سبحان الله كنت حابة نسقسيكم كيفاه ينداااااار.ربي يجازيك كل خير خرجلك 4444444444444

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

راح نوريه لبنتي باش ديرو انا اسوء معلمة هههههههههههه سخفتيني يعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة انتي بلون الورد
يشهيييييييييييييييييييييييي حنا منديروهش خلاص و تقول طليتي علا قلبي سبحان الله كنت حابة نسقسيكم كيفاه ينداااااار.ربي يجازيك كل خير خرجلك 4444444444444

اميييين يارب كي تجربيه قوليلي اذا عجبك