عنوان الموضوع : كسرة أو رخسيس من مطبخي طبخ جزائري
مقدم من طرف منتديات العندليب

السلام عليكم ورحمة الله وبركاته
حبيت نشارككم اليوم بواحدة من الوصفات المحببة عن الشعب الجزائري ألا وهي
الكسرة أو الرخسيس


المقادير (2 كسور)
2 كيلات دقيق من النوع الرفيع
مقدار 2 كيسان تاي من الزيت
2 م.ص ملح
1 م.ك سكر
قرصة خميرة الخبز
1 م.ك جلجلان محمص
ماء دافئ (على حسب نوعية الدقيق)


التحضير:
في قصعة اخلطي جميع المقادير الجافة ماعدا الملح
افرغي الزيت واخدميها مليح بكف اليد
اجمعي الدقيق على طرف وضعي الملح وذوبيه بشوي ماء واخلطي بأطراف الأصابع (ما تعجنيهاش)
بللي بالماء شيئا فشيئا حتى تتلم وتتحصلي على عجينة متماسكة وطرية
اقسمي العجينة إلى 2 كريات متساوية واعجني غير شوي حتى تشكلي كرية متناسقة
غطيها واتركيها ترتاح بضع دقائق
سخني الطاجين
اخبزي كرية باليد حتى تتحصلي على كسرة دائرية ورقيقة
اثقبيها بواسطة فرشيطة أو خشب الأسنان
ضعيها في الطاجين على نار هادئة وقلبيها على الجانبين حتى تتحصلى على لون ذهبي جيد
بالصحة ( الصغيرة درتها لبنتي)
Agrandir cette image


كل واحدة تمر على الموضوع تقولنا كيفاش يسميوه في منطقتها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذي لكنت نحوس عليها يعطيك الصحة ختي حنا نسموها فطيرة انا كنت ندرها بصح منديرش خميرة بصح جيني يابسا ندرها ان شاء الله كيدري كيلة كبيرة الزيت ديري كاس تع الشاي ولا تزيدي الزيت

__________________________________________________ __________

>>>> الرد الثاني :

قصدي كيلة دقيق


__________________________________________________ __________

>>>> الرد الثالث :

ماشاء الله بصحتك اختي يعطيك الصحه

__________________________________________________ __________

>>>> الرد الرابع :

المشاركة الأصلية كتبت بواسطة صلاتي راحتي
هذي لكنت نحوس عليها يعطيك الصحة ختي حنا نسموها فطيرة انا كنت ندرها بصح منديرش خميرة بصح جيني يابسا ندرها ان شاء الله كيدري كيلة كبيرة الزيت ديري كاس تع الشاي ولا تزيدي الزيت

الله يسلمك أختي
الكيلة تاع الدقيق = 400غ تقريبا


__________________________________________________ __________

>>>> الرد الخامس :

المشاركة الأصلية كتبت بواسطة أم إناس
ماشاء الله بصحتك اختي يعطيك الصحه

شكرا أم إناس، الله يسلمك