السلام عليكم ورحمة الله وبركاته
حبيت ابدي مواضيعي في هذا القسم واقولكم عن تجربتي
طبعا الكل يعرف انه الخلطات كثيره بس الاهم منها الي جربناه
وحلو ان كل وحده تقول عن تجربتها انا قريت في القسم
هذا خلطات للجسم للتقشير والتبييض واجد
بس حبيت اعطيكم من عندي خلطات انا مجربتها ونتيجتها مرضيه
قبل كل شي اعذروني اذا انا كررتها او يمكن تكون موجوده من قبل
لكن راح انزلها واعطيكم نتايجها معي
الخلطه هذي انا مستمره عليها صارلي
تقريبا اربعه شهور موشرط تكون المده هذي كلها بس انا ماتركتها
المهم
انا توني والد من اربعه شهور وتعرفون بعد الحمل تحتاجين انك تغيرين من نفسك
وجسمك منتي راضيه عليه
ولون بشرتك وشعرك.......الخ
فبدات مع الخلطات هذي والحمدلله النتيجه حلوه
ادري اني طولت عليكم لكن المعذره
اولا
لازم قبل ما تسوين صنفره لجسمك تعملين خلطات لترطيب الجسم وانا مشيت على هذي الخلطه
تاخذين مقدار من زيت زيتون+زيت لوز مر+عصير نص ليمونه+من 2الى3ملاعق زبادي
تخلطينهم كويس وتحطينهم على جسمك ساعتين اوالمده الي تبغين حتى لو طولت عادي ماتضر لما تجين تتسبحين افركي جسمك من تحت الى اعلى بحركه دائريه ثم استحمي طبيعي
تسوينها ثلاث مرات في الاسبوع
نتيجتها مبهره من اول مره تلاحظين نعومه خياليه على جسمك
واكيد زي منتو عارفين ان مكوناتها مره كويسه وفايدة الخلطه هذي تنعم الجسم وتفتحه
ثانيا
نجي عند الاسبوع الثاني تبداين تسوين الصنفره وهي
3ملاعق حليب بودره+من4الى5 ملاعق طحينه سايله+عصير ليمونه
2ملعقه صنفره للجسم اي نوع عندك اذا مافيه خذي من الصيدليه وشوية ماءللعجن تخلط ثم تدهن على الجسم وتترك نص ساعه اقل شي واذا تركتيها اكثر ما فيها اي مشكله ولما تجين تتسبحين طبعا افركي جسمك من الاسفل الى الاعلى بطريقه دائريه واذا خلصتي ادهني جسمك باي مرطب وتسوين الخلطه هذي ثلاث مرات في الاسبوع فايدتها تقشير الجسم وتفتيحه
ثالثا
نجي عند الاسبوع الثالث ترجعين تسوين خلطة ترطيب لجسم الي كتبتها
لكم اول وحده ونفس الشي ثلاث مرات في السبوع بس
لانه حرام ترهقين جسمك ونفسك يوميا خلطات على جسمك وعشان ماتملين
رابعا
نجي عن الاسبوع الرابع وسوي خلطة صنفرة جسم اذا تبغين نفس الخلطه الي في الاسبوع الثاني اعلاه كيفك اوسوي هذي الخلطه كمان مره حلوه بس هذي تسوينها في الحمام على طول وتتحممين سهله ومريحه بس ارجع اقولكم خلطة الطحينه مره مره مره فضيعه
المهم الخلطه هي
تاخذين زيت زيتون الكميه الي تكفي جسمك+عصير نص ليمونه+ملعقه كبيره ملح+نص ملعقه سكر خشن واخلطيهم كويس بعدين حطيها على جسمك وابدئي افركي بطريقه دائريه من تحت لفوق وتحممي عادي بعدين اذا طلعتي ادهني جسمك باي مرطب عندك لازم بعد كل صنفره
ادهني جسمك مرطب
وكمان سويت خلال الفتره هذي حطيت خل تفاح مع ماء ورد طبعا الخل يكون اقل من ماء الورد حطيتهم في علبة صغيره بخاخ واذا طلعت من الحمام بعد الاستحمام ابخ جسمي منه ولكن متي تذكري اني قلت تسون الخلطات اعلاه ثلاث مرات في السبوع بس
الخل حطيه في الايام الثانيه وموشرط مو اجباري بس اذا تحممتي حطيه ماراح يضرك
وكمان سويت خلطات للوجه انزلها لكم بعدين انشاء الله
وكمان كنت استخدم للمناطق المسمره مثل المنطقه الحساسه والابط نشاء وماء ورد يوميا احط منها واذا تذكرت حطيتها مش مضره ومو شرط تغسلينه بالعكس ماء الورد يخلي رحت جسمك حلوه هذي الخلطات الي سويتها والحمدلله يابنات طلع لون بشرتي فاتح لدرجت والله ما اكذب عليكم لدرجت انه صار لون جسمي غير ومكان الظهر الي ماطولينه بايدك يعني الي ماتقدرين تحطين فيه خلطه ما تطولين صار اغمق من لون بشرتي
فهمتو لما اشوف ظهري من المنطقه الي في نص الظهر طبعا ماكنت احط فيها لانه ما اطولها بيدي وبعدين ما خطر في بالي هذي النتيجه فلازم تحطين في جسمك كله عشان يفتح كله ونصيحه لا تتركين الخلطات مره وحده لا اجعي عليها من فتره لفتره وراح ترضين بالنتيجه حاسه اني عروسه من حلات لونبشرتي بس ارجع واقول انه الاهم الاستمرار
اسفه اسفه اسفه على الاطاله بس حبيت اعطيكم جدولي الي مشيت عليه وهو كان عنايه كامله من جسم ومن بشره ومن شعر ومن اظافر وكل وانشاء الله انزلكم خلطاتي الباقيه وللمعلوميه ماراح انزل الا الي جربتها بس واقولكم عن نتايجها وبس
ادعولي ان الله يخليلي عيالي وزوجي
واتمنى تستفيدون من جدولي وتفيدون ولكم حبي ومودتي
والى القاء قريبا
تعالو شوفو كيف كنت وكيف صرت
رد مع اقتباس
