مرحبا عزيزاتي عساكم بخير
ممكن تستخدي هذي الماسكات لو عندك فرح أو مناسبه أو كروتين في نهاية الاسبوع لان المكونات كلها طبيعيه و ماتضر و مفعولها رائع
أولا لعلاج جفاف البشره مو ضروري انو بشرتك تكون طبيعتها جافه ممكن تصير جافه مع البرد أو مع مستحضرات التجميل و الكريمات و الصابون فاستخدمي هذا القناع:
تحتاجي لثمرة أفوكاتو و نص كاس سكر مطحون (125 ملي) و ملعقة صغيره عسل
جيبي وعاء و اقطعي الافوكاتو نصين طلعي البذره و جيبي ملعقة و طلعي لبها في الوعاء بعدين جيبي السكر المطحون و حطيه عليها اخلطيهم مع بعض بعدين ضيفي ملعقة العسل ممكن تستخدمي العسل الصناعي بس لو عسل نحل طبيعي يكون افضل
اخلطيهم كويس و حطيهم على وجهك لمدة ربع ساعة بعدين اغسلي وجهك بمويه دافيه و يمديك تحفظي الباقي بالثلاجه يصلح لمدة اسبوع كمان ممكن تحطيها كل يوم عشان تعطيك نتائج روعه اكثر
ثاني ماسك لسد المسامات الكبيرة و تفتيح لون البشره و شدها
تحتاجي لبياض بيضه بس بعد ماتخفقيه مره حطيه على وجهك لين ما ينشف بعدين اغسلي وجهك بمويه بارده
راح تلاحظي انو ماسك بياض البيض ينشف البشره شوي والماسك اللي بعده يشيل هذا النشاف وهو ماسك زيت الزيتون اللي يزيد من نضارة البشره
تحتاجي ل 3 ملاعق كبيره زيت زيتون بكر تلاقيه عند العطار و نص كاس سكر مطحون (125 ملي) و ملعقتين صغار عسل صناعي أو نحل
اخلطيهم كويس في وعاء و حطي الخليط على وجهك لمدة 5 دقايق مع المساج بحركه دائريه و يمديك تستخدميه لجسمك بعد
اخر شي تقشير البشره و الجلد الميت
تحتاجي لبن أسود مطحون عسل صناعي أو نحل
حطي الكميه اللي تبغيها من البن في وعاء و ربعها عسل (يعني كمية البن اللي عندك قسميها لاربع اجزاء متساويه و بعدين غرقي وحده من هذي الاجزاء في العسل و ارجعي اخلطي الاجزاء مع بعض مرة ثانيه) اخلطيهم بيدك كويس حطيهم على وجهك لمدة 5 دقايق مع التدليك بحركة دائريه بعدين اغسلي وجهك بمويه دافيه
راح تلاحظي كيف بشرتك صار أحلي
هذي الماسكات من الرائعه ميشيل فان
و كذا تصير البشره بعد الإستعمال
أتمنــــى أكــــون فدتـــــكم ^_^
♥بشره أفتح و أنضر و أنعم في يوم واحد بماسكات طبيعية مع صورة النتيجة♥ لبشرة بيضاء
رد مع اقتباس
