عنوان الموضوع : خلطه تخليك مثل بياض الثلج لا يفووووووووتكم للعناية بالبشرة
مقدم من طرف منتديات العندليب

خلطه تخليك مثل بياض الثلج لا يفووووووووتكم



خلطة وصفة طحت على سر بياض السعوديات ولمعتهم ادخلو بسرعة والله ماتندمون

--------------------------------------------------------------------------------

مساء الخير للكل كيفكم أخباركم أحوالكم<<<أخلصي
اليوم طحت لكم على خلطة فضييييييييعة اتعب وأنا اقول فضيييييييعة من جد من زمان وانا اقول وين انا عن هالخلطة اعرف انى شوقتكم عشان كيذا ماني مطولة
وعلى بركة الله نبدا بمقادير الخلطه الرهيبه اللي بتلاقون نتايجها بنص يوم وبتشوفون بياض ماشفتوه
وبتصيرون من بياضكم مالكم لون يعني كنكم لابسين طاقية الاخفاء


ماعاد الناس بتشوفكم من شدة البياض الناصح
ماراح يشوفون الا لمعة عيونكم بس
بتصيرون اشبااااح بدون لون خخخخخخخ
الخلطه عباره عن
الفكس الفازلين
الفير اندلفلي الليمون
رتن اي افالون مينيرفا
ويستحسن اضافة كركم جلسرين جلوسليد
وشوية كلوركس وفلاش
ورشة تايد
ولتوريد الخدودكلوركس الوان
فيري لزيادة اللمعان
واي شي عندكم بالمطبخ حطوه لنتئج ملموسه ووسريعة
ممكن قاز ممكن بنزين حسب الرغبه
والافضل خلط الجميع لنتائج افضل
خخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخ خخخخخخخخخخخخخ


خلاااااااااااااااااااااااااااا ااااااااااااااااااااااااااااص لاعت كبدي
الله يعين هالبشره لايجيها بهـــــــــــاق ارحموها حرام حرام




دائما نتكلم عن الاندوسيات والفلبينيات والمغربيات وحتى اليونيانيات وصلنا لهم والسوريات واللبنانيات والمصريات
والهنديات والسيلانيات والنيباليات حتى الافريقيات ماسلمو من شرنا
نبي لمعة الافريقيات يعني الله حرمهم البشره الفاتحه وعطاهم لمعه ومه هذا مستكثرينها عليهم
نبي بياض ورونق وصفاء ولمعه
يعني نبي نصير تماثيل شمع
بصراحه ماخلينا احد مامدحناه وطلعنا احنا بالاخير السعوديات اتعس ناس وابشع ناس
مو انا الي اقول
منتديات البشره تصفحوها وانتو بتعرفون صدق كلامي مليانه بهامواضيع
ركبتي سوده
صدري متدلدل
وجهيي محبب
رقبتي تلوع الكبد
والله ثم والله وحده كاتبه مؤخرتي فيها حبوب
كلنا مو بس انتي وش الغريب ووش المهم
يعني نتكلم بأدق التفاصيل
الحمدالله والشكر
شوية ثقة بالنفس يابنات عشانكم شوهتو سمعتنا
يعني لو وحده اجنبيه تفتح منتدى العنايه بالبشره حق عالم حوا ولا الفراشه ولا عروس وش بتلاقي؟؟؟؟؟؟
الا هالعناويين اللي بتعطيها فكره ان البنات السعوديات ضبان وتماسيح وحراشيف ماهم بنات حلوات وامورات
عاد خلاص اختارو عناوين تفتح النفس وتبيض الوجه وابعدونا عن الطريقه البايخه والتقليديه والمكرره هذي بطرح المواضيع لجذب اكبر عدد من الزائرات والردود
والبنات مايصدقون مساكين يدخلون يبون سر بياض الاندونيسيات واليونانيات ولمعة السيلانيات ونفخة الفلبينيات انا مو ذابحني اللا اللي كاتبه اليونانيات
سويت بحث بقوقل ابي اعرف وش اشكالهم !!!!!
حتى اليونان ماسلمت من شرنا


ولا لاجت وقالت طحت على سر بياظ شغالتي طحت عليها وهي تحط الكريم الفلاني ياربي رباااه >>>لاتعليق
ولا لاجات وحده وقالت شغالتي شافت الكركم وقالت يامدام لازم تحطي هذا كل يوم احنا نحطه مخفه هامدام
ولا لاجت وحده وقالت عرفت سر الممرضات الفلبينيات وريحتهم >>>لالالالاببكي
انا ماشوف ريحتهم الا اندومي او تونه ياناااااس>>>وعع وع وع
لا وبلأخير يطلع السر كريم كيلي ولا بولي وريحتها عطر نونو للاطفال
خخخخ >>>ختير هالسر ختير
يعني هالكريمات ريحتها احسن من عطور الماركات ومن بودي شوب وزهور الريف
لاحول ولا قوة الا بالله الحين هذا هو السر >>>مبروك
من عمر جدي وحنا نسمع بالكريمات هذي
لها الدرجه صرنا مخفات والفلبينيات وشغالاتنا يعلمونا الاهتمام بالنفس بدل حنا مانعلمهم
يعني من جد شي يفقع المراره خلها للشغل وبس وش خصها بالخلطات صارت اخصائية بشره على غفله
ياننا حنا معفنات واسمحولي عالتعبير ولانعرف شي بهالوجود لاكريم نونو ولا زو زو
ولا اننا مغفلات مره >_<
ولانلعب على انفسنا
طبعا ناهيكم عن اشياء اخر من تضييق وشد وغيره ووصفات تحط الئعل بالكف على قولة الشوام
اللي وصل بالبنات الجرئه انها تقول شغالتي قالتلي استخدمي يامدام هذا عشان كويس من تحت
ولا البسي المشد هذ يشيل البطن وياليته يشيله اللي لها كرشه لها كرشه وهذا شر لابد منه
ماهنا اكبر من كروس الفلبينيات والاندنوسيات


لنبدا حياة جديده ونتفائل ويكون عندنا ثقه بالنفس والله اننا اميرات وملكات ليش موحاسين بقيمة نفسكم
والله فينا البياض الجميل والسمار اللي يهبل
وفينا الملح والزين والاجسام والاخلاق والدين
لاعاد تعطون الناس اكثر من حجمهم
والله مره رحت اتصور باستديو نسائي والله السوريه تقولي انتي سعوديه ؟!!
اقولها اي
تقول لا اكيد في عرق
اقولها والله مافيني عرق
قالت السعوديات سوود
ودايم تنقالي هذي الكلمه
ولاتعتبونننننننن
احنا اللي عطيناهم الفكره هذي
والدليل قناة بدايه
مايكتب فيها الاحنا
والله زوجي يجي يضحك يقول فضيحه هالقناة
يقول لو منتي زوجتي وشايفك كان اقول السعوديااااات يلوعون صدق
يعني المفروض مانعطي الرجا حتى هذي الفكره
اكتبي خلطه حلوه او عجيبه او رهيبه وبلاش هالطرح المضحك اللي ضحك علينا خلق الله
واهم شي ثقو بنفسكم ولا تقارنون نفسكم بغيركم
ماعمري شفت احد يقول بياض او نظارة السعوديات
معلومه الركب السود ترا عند كل العالم مو بس حنا
ولاتقارنون نفسكم بالاوربيين بس اقصد الشعوب اللي بلوننا
واتمنا انكم ماتزعلون بس هذا الواقع معليش


الخلاصه +انا ماقول لاتهتمو بنفسكم انا اكثر وحده تهتم ببشرتها
بس نبي الرقي بالمواضيع والخلطات
والرقي بطرح الموضوع
وياليت ننسى الخلطات ونعطي بعض كريمات صحيه من ماركات معروفه
وندل بعض عليها
وموشرط تكون الكريمات من ديور او شانيل لا
بس نبي كريمات وبس بدون مانخلطها ونضيفلها ونبهرها
نبي ناخذ الكريم ونحطو دايركت على الوجه وخلااااااااااااص
تدرون في وحده شاميه لما نزلت الموضوع ردت قالت ليش هو انتو اصلا بيض
ورازه صورة بنتها الصغيره تحت يعني شوفو
بيضا بياض يفقع العين والشعر برتقالي
الله يحفظلها البنت بس والله مو حلو
البنت شهبا صهبا
البياض اوكي حلو بس لازاد عن حده ينعاف
لايركب عليه مكياج
وبدون مكياج يخرع


الحين اللي قرت الموضوع اتمنى انها ترفعه على الاقل اذا ماحبت تشاركنا وتتفاعل معنا
استنى ردودكم بكره
مو افتح ولا الاقي رد
على الاقل ارفعو الموضوع فضلا لا امرا
ومنجد خلينا نتناقش بالموضوع وكل وحده تحط موقف عندها سمعتو او حصلها بكرهالوعد
خلاص طولتها
ولاتنسون

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوره والله إنك صادقه لاواللي يقهر أكثر إن المكتبه مليانه كتب فيها نفس الكلام الموجود في المنتديات يعني ياخذمن الخلطه من كتاب ويحطون لها موضوع من روسهم يشوه الخلطه ومفعول الخلطه والمجتمع كله على أساس عنوان مدري وش يبي ولا قناة بدايه والله إني أحاو ل قد ما أقدر أنشب لزوجي مايتابعها من المكتوب في الشات والله لو الوحده مثل ماتكرمتي تخلي عندها قليل من الثقه كان محد فكر ياخذ عن نساء السعوديه أدنى فكره مو كويسه

__________________________________________________ __________

>>>> الرد الثاني :

اخت لبى انا شكلك واصله معاك
والله انك ضحكتيني من جد
وصح والله كلامك
انا اسفه بس على التعبير بس فيه تخلف شوي بتعبير
احنا اهل السنه والمفروض جمالنا نزيده بالخلاطات الطبيعيه واحنا الي نفيد
مو نصير مايستفاد .... اقصد لو فيه واحده اجنبيه اخترعت خلطه تكتبها بقوقل وتحط عليها مو ضوع انا استخدمت الخلاطه وانا كنت سمراء وصرت بياضء مره
اول من بيجرب الخلطه بنات السعوديه
ويجيهم بهاق او برص الله لايقوله
والفايز هناء الاجنبيه
صرنا فار تجارب
فيه اخاصائين بشره على مااضن
ولي يوصف لها الدكتور كريمات تبيض امنه وتناسب البشرات كلها مثلا " تكتبها باسلوب بس مو اكثر
وبدون زياده
عشان لانصير شماته
اشكرك والله اختي لبى انا على غيرتك على بناتنا والله يسلم ايدينك ويرفع بك المجتمع النسائي
اتمنى ماحد يزعل علينا
وتقبلو مروري

__________________________________________________ __________

>>>> الرد الثالث :

مشكوره والله إنك صادقه بكل كلمة قولتيها لا واللي يقهر أكثر مافي يوم ما اشوف هذي المواضيع

والله انا فيهم ملكات جمال بس مافي ثقة بنفس انا سمرا بس واثقة في نفسي كثير بعد مو لازم البياض

والله صدقتي بكل كلامك الله يسعدك يسلمو يالغلا

__________________________________________________ __________

>>>> الرد الرابع :

ههههههههههههههه ضحكتيني عن جد صادقه
دمتي بود

__________________________________________________ __________

>>>> الرد الخامس :

السلام عليكم بنات وخاصة كاتبة الموضوع يمكن اختي في شي من كلامك صحي بس مويعني ازا كانت البنت سمراء البشرة تكون ليست جميلة كلامك اختي في بعض المبالغة الجمال في كل مكان وين مارحتي وموكل واحد قرا موضوع عن بعض خلطات خلص اخد فكرة انو مافي جمال ببلدكم وكل بلد لها طابع جمال والحمد لله على الخلقة الكاملة واخيرا الجمال جمال الروح واتمنى لك اختي التوفيق