عنوان الموضوع : بشره صافيه بلا حب شباب جسم رشيق تجربه شخصيه مههمم! لبشرة صحية
مقدم من طرف منتديات العندليب

بشره صافيه بلا حب شباب جسم رشيق تجربه شخصيه مههمم!



هلا والله بنات
بخش بالموضوع ع طول

أنا طبعن من قبل تقريبا 6 سنوات وانا مشكله حب الشباب وشحوب البشره كانت ملازمه لي بشكل عجيب
والسبب اهمال التغذيه واكل الدهون والحلويات والخرابيط وووو

سويت لي نظام غذائي ووخلطاتي وكل شي =))

النتيجه طبعن بعد المعاناة :

1- وجه منور فيه حياه.
2- فتح لون وجهي بشكل ملحوظ بعد ماكان مغمق من التعب لان انا ما اكل خضار ولا اسماك ولا ولا ...
3-حب الشباااب خف كثير إللا أختفى بالاصح ماصار يجي الا قبل الدورة ومو زي قبل.
4- جسممي اننحت وصااار يجننننن ماشاء الله تبارك الله (ترا معجبه بنفسي مرا عطوني جوي=))
5-شعري احس انه ماصار يطيح زي قبل.
6- احلوويت ع كلام أقاربي وصديقاتي (أنا مالي دخل هم يقولون :$)
7- شعور بسعاده نفسيه شديده .

المممهم نبدأ كيف ومتى صار وكم المده ...؟

طولو بالكم معي لأني راعية طويله شوي :$


نبدأ بالجانب النفسي (أهمممم شي)!! :
حسسي نفسك أنك أحسن وأحلى وحده وأن مشكلة حب الشباب مستحيل تأثر علي وأن هي فترة يعني وتعدي ومافيه بنت ولا ولد بالدنيا الا مر فيها بس يختلف عاد المستوى حق الحبوب وإذا كنتي راعيه تجارب سابقه فاشله فقولي بنفسك ان الخلطه ذيك فيها غلط أو ما ناسبت بشرتي الفاتنه الي تعبانه شوي بس ويبغالها تعديل.

اوكككي .....؟

حبيباتي والله إيه كذا ابيكم هممه عاليه


طيب طيب

نجي للجانب الغذائي (مهمم مهمم )
طبعن سالفه التشوكليت والكيك والمقالي والاشياء هذي نبغاك ما تاكلينها ايه ايه ما تاكلينها

إذا تبغين جسم حلو وبشره صافيه

ما اقولك ما تاكلينها بتاتاً لالالا اكليها بس باعتدال ... !! بس مساله روحة السوبرماركت والميه والميتين ريال ع حلويات لالالا ومليون لا

والفاست فود حاولي تخلينها مررا بالاسبوع

والسفن اب والببسي والكولا والشله هذي اصلن مررا مضرره بغض النضر عن تأثيرها على البشره وكذا

لا تقولين أكتأبتي وكذااا والله جد بتحسين أنك انسانه صحيه ونشيطه وكذا :$

والكوووفي وما أدراك ما الكووفي
والشاهي معاه بعد

حاولي تبتعدين عنه قد ماتقدرين بس مو مشكله اذا شربتيهم بس حاولي تقللين
لانه يؤدون الى شحووب الوجه وحنا مانبغا السالفه ذي لأننا في صدد (تحمست :/) إننا ننور ونصفي بشرتنا صح ولا لأ ؟ كففو والله _

ايوأأأ وحاولي تاكلين فووواكه قد ما تقدرين برتقال كيوي خوخ تفاح كل شي..!
بس بالنسبه للخضـــــار بما أني يعني ما اكل الخضار اببداً والسلطه ما اقدر لها ابدداً

سويت حل مرررا خطير وهو

(((عصيـــــــــــرات الجمال ))) تترررا رررا
ايييوا قمت اسويلي عصيررات مررا خطيرره
نبدا بالاول:

عصير البقدونس !
ايه عصير البقدونس لا تكشرين وتقولين وعع وماا وع أنا كنت اكثر منك بس لما شفت مفعوله الخطير الرهيب الكل شي
صار عندي يا زينه !!!
تجيبين بقدونس الكميه يعني كذا كمشه بيدك وتغسلينها وتحطينها بالخلاط مع كاس مويه الي هي الكميه الي تبينها
بعدين تصفينه وتشربينه بس اخلطيه كويس عشان تستفيدين منه كامل
وبعدين تصكين خشمك عاد وتشربينه ثلاث مرات عشان السنه عاد
اول المرات الي ماتقدر تحاول تشرب عصير بعده الي ماتقدر يعني


ا ل عصيررر الثاني:

عصير الجزر !
عاد ما اظن مرارة تجرعه زي البقدونس يعني حليل =)) اهون من البقدونس

نفس الطريقه تضربينه بالخلاط وتصفينه وتشربينه

العصير الثالت وهو عادي مافيه شي

عصير البرتقال الطبيعي المحضر بالبيت (ويفضل ذلك ) أو من محلات بيع العصيرات الطبيعيه

معلومه حللوه وخطيررره: العصيرات ذي تنسق الجسممم بشكل عجيب كل من شافني قال وش هالجسم الزززين ماشاء اللله تبارك الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خلصنا من العصيرات الحين نجي للأكل
كل شي مفيد ونسبة الدهون قليله فيه اكلليه
وابعدي عن جبن الكاسات ... شطحه أدري :$ =)) بس والله جد مرره شين مع البشره والحبوب

والتمرر اكلي 7 حبات باليوم ضروررري
وشرب المويه بكثره عشان تصفي الجسم يعني 8 كاسات باليوم اضمنيها..
وشرب الزنجبيل مررا حلو بعد..

الحين ننجي للماسكات والخلطات وكول حاقه للوجه:
لازم يكوون عندك الاشياء هذي يوميا تسوينها:

مقوع البابونج
تمسحين وجهك قبل النوم ووقت ماتبين والطريقه معروفه وهي نقع البابونج وتصفيته وحفظه بالثلاجه..

منقوع البقدونس
وتتمم بنفس طريقة البابونج

منقوع المرره
وهذي اهمممممم وحححده فييييهم والطريقه معروفه منذ الازل وهي تجيبين مره تنقعينها فمويه وتمسحين وجهك كل ماحبيتي..

مويه الورد
وهي اما 1- تحطينه ببخاخ وتبخين وجهك بعد كل وضوء.
2- او تسوين ماسك النشا وموية الورد.
3- او تحطين ماء+مويه ورد وتصبينها بمكعبات الفريزر وكل مابغيتي مسحتي بوجهك
الفايده من الخطوه الثالثه: أن الثلج والمويه البارده مررا مفيده للمسامات تعمل ع تضييقها ومويه الورد غنيه عن التعرريف ..

بالنسبة للتقشير راح يكون مررا واحده بالاسبوع وهو عباره عن:زبادي+عسل+شوفان+رشة ليمونه
تحطينهم ع وجهك ع شكل ماسك لما ينشف كامل بعدها تفركينهم لما يطيح كامل وبعدها تغسلين بممويه بببس..

الحين هذي الخلطات خلصنا منننها نجي للغسولات واشياء الصيدليه :
غسول كلين أند كلير ادفانتج براءة اختراع في محاربة الحبوب مرررا كويسسس
تستخدمينه مرررا باليوم ببببببس ولا بينشف وجهك
لونه العلبه رمادي
بعد استخدامه اذا حسيتي ان وجهك جاف مررا مرررا استخدمي كريم فيتامين E حلو ولا يدهن الوجه مررا

وفي شي ثاني بعد
لوشن كلين اند كلير عميق التنظيف يساعد في إزالة الحبوب سريعا
هو عباره عن سائل لونه تركوواز حلو تمسحين وجهك به ..

تقرررييبا اقول كذا خلصنننننا

طبعن تحذير !!!!

لا تستخدمممين كل الاشياء ذي مع بعض بعدين تقولين ننشف وجهي ومدري ايش
اظن الكل واعي انه ما يصلح مع بعض
يعني مثال مثال
أذا غسلتي وجهك بالغسول مو تقومين تستخدمين المرره وراه ع طول لانه بيصير وجهك نااااشف

ف خلي فتره بينهم

اكيد فهمتو قصدي

المممهم هذي تجربتي مع بشرتي وحبوبي =))
ان شاء الله اكون ما طولت عليكم وافددتتككم

ابي دعواتكم بس أني اجيب نسبه عاليه باختبار التحصيلي والقدرات ومعدل تراكمي عالي بعد
والله دعواتكم مهمه لأاني متأزمه نفسسيا مرررا

يلللا مع السلامه

+------U.U-------+

__________________________________________________ __________

>>>> الرد الثاني :

ماشاء الله جهد رائع
من عضوه اروع

__________________________________________________ __________

>>>> الرد الثالث :

جزاك الله خير
الله يوفقك

__________________________________________________ __________

>>>> الرد الرابع :

المشاركة الأصلية كتبت بواسطة قاطنه القمر
ماشاء الله جهد رائع
من عضوه اروع

ماتقصرييين





المشاركة الأصلية كتبت بواسطة جود23
جزاك الله خير
الله يوفقك

أممممين حبيبتي ويااااك

__________________________________________________ __________

>>>> الرد الخامس :