عن تجربة .. الجميع يدخل رجاء ~ للعناية بالبشرة
عنوان الموضوع : عن تجربة .. الجميع يدخل رجاء ~ للعناية بالبشرة
مقدم من طرف منتديات العندليب
عن تجربة .. الجميع يدخل رجاء ~
السلام عليكم ورحمة الله وبركاته
كيفكم يا حلووات ؟!
اممم بدخل بالموضوع على طول .. انا من زمان ابغى اكتب هالموضوعبس ما احصل الوقت والحين الحمدلله فضيت وقلت اقعد عليه قعدة
اتمنى اللي يقرى الموضوع مايطنش او يقراه ومايترك رد او تعليق واتمنى الكل يستفيد من تجربتي والله لاني ابي الخير للكل وابي تدعون لي ولوالديني وان ربي يرزقني الزوج الصالح والحياه السعيدة وياكم اممين
انا لي كم سنه اعاني من البشرة الدهنية بس والله والله ماقد حسيت بشرتي متشوهه او خربانه يعني من الطبيعي البشرة الدهنيه تختلف عن غيرها من البشرات وهي بشرة صعبة وتتطلب عنايه شديده وبما ان احنا البنات مانحب نشوف اي حبه فبشرتنا فا تشوفون اول ماتطلع حبه ندور لها حل وعلاج !!! طبعا انا لي كم سنة تطلع لي حبه وحبتين وثلاث بس الحمدللهتروح وماتترك اثر والله وكنت دايم اسوي ماسكات طبيعيه لبشرتي وبعد هالثلاث سنوات طلعت لي حبوب كثير بس حبوب عاديه حمره وكانت مزهقتني رحت مستوصف الروضه وعالجت الحمدلله عطاني ريتن (أ) و حبوب مضاد و سوو لي تقشير كرستالي و ابر مدري وشهي المادة بس تنظف البشرة من العمق والحمدلله بشرتي صارت ولانهم نظفو الحبوب كلها .. فا بقت اثار وراحت تماما مع الريتن (أ) والحمدلله مرت سنتين وانا تطلع لي حبه وتروح وحبتين وتروح .. فيوم من الايام وحده من صديقاتي قالت لي انا اول ما تطلع لي حبه استخدم كريم (اليكا) وتروح بعد يومين او ثلاث على طول يطلع لها راس وتنشف .. وشريت الكريم واستخدمته والله يابنات ان الحبوب والثار ماتبقى بوجهي ابببد وريحني كثير هالكريم وفرحت فييه .. بس فترات تبقى اثار وشافتني وحده قالت لي الفيكس مع الفازلين ومعجون الاسنان يودون الاثار واستخدمتهم بس المصييييييبه اللي كثير يجهلونها ان الفيكس ومعجون الاسنان يوسعون المسامات ويصلخون البشرره وبالمره يضرون البشره وتركو على بشرتي تصلخات .. والفيكس حفر لي مكان الاثر وبقعه لي وماراح والحمدلله اني حطيته موضوعي على اثر واحدبعد فتره حسيت بشرتي مافيها نضاره وشاحبه وتطلع فيها حبوب فا قلت خليني اشتري مقشر (ديفرنت جل) كثير يمدحونه وبعد شفت فيه ناس تمدحه بالمنتدى هنا فا قلت اجربه .. للامانه جوبته فتره وماشفت نتيجه اببببد الحبوب تروح وترجع تطلع وتلتهب بعد يومين وماراحت المعناه
المهم قلت خليني اوقفه بس .. وقمت احن على امي ابي اروح للدكتوره وهي تقول بشرتك حلووووه مره لاتلعبين فيها وطبيعي بهالعمر تطلع لك حبوب وانتي بشرتك دهنيه طبيعي بس قللي دهون ولاتاكلين شوكليت وبسسسس ... وانا مصررره ابي اروح
المهم رحت للدكتوره على طول عطتني كريم هو زي الراكاتان بس كريم على البشره وعطتني مضاد حيوي و كريم حساسيه للصبح .. والله والله ان بشرررتي كانت جميله وكنت حتى احب اشوف وجهي بالمنظرة 42 ساااعه بس مضايقتني مشكلة ان بشرتي دهنيه مابي تطلع لي الحبوب فجاه ،، المهم ظليت شهر كامل استخدمه بسسسس المصيبببببه !!!!! كل اللي يشوفني يقول بسسسم الله وشفيها بشرررتك !!!!!! وانا ماكنت منتبهه لان نظري ضعيف شوي واقول لهم عادي انا اعالج والحبوب لازم تطلع !!! وبيوم قررت البس نظارتي واشوف وجهي واللللله يابنات مصلخخخخخ وكله حبوووب تخوووف حمررره ومسامات واسعه وزي الحفرر !! ورحت للدكتوره على طول حتى هي خافت قامت تسال وش سوويتي وايش صار !!! وتحاول تغيير الموضوع وتقول بعطيك حبوب الراكاتان روحي حللي دم !! عاد انا ماسكت لها وقلت لها انا جايه لك بشرتي حلووووه ومدري ايش شوهتيها لي انتي دكتورة ايش بالضبببط !!! حتى خافت وقامت تتكلم بشويش وتتمازح معي لي حسيت انخنقت خلاص مالي خلقها قمت طلعت وصفقت الباب وماعاد رجعت لها .. المهم رجعت على كريك (اليكا) الحمدلله وخر الحساسية من وجهي بس للاسف ان كل هالاشياء فيها تركيبات كيميائيه على قد ماتعالج البشرة على قد ماتدمرها بعد كم سنه
المهم بعد ماخفت الحساسيه قمت احط جيل (ديفرنت) على الحبوب بس مافي اي فااااايدة اببد !! والله كانت اسوءءءء ايام حياتي لدرجة اقعد اصيح اقول ايش سويت بنفسسسي !!! صرت مابي اطلع ولا اشوف احد .. والاثار صارت بصمه ببشرتي من هالدكتوره حسبي يالله ونعم الوكيل فيهاا .. المهم قعدت ابحث بالنت عن شي للاثار لقيت كثير يمدح (كونتراتوبكس) اللي هو حق الحروق والندوب والاثار واستخدمته كم يوم بس حسس بشررررتي مررره ومافادني اببببد ورحت للصيدلي سالته قال مافيه ضرر ان شاء لو استخدمتيه بس ترا ماله دخل باثار الحبوب هذا للحروق قوي مره والبشرة حساسه استخدمي شي للاثار خصيصا افضل فا قال تبين اعطيك ؟ قلت لا خلاص شكرا .. ورجعت البيت وقررت استمر على كريم (اليكا) وضليت اسبوع عليه تحسن وجهي .. بيوم من الايام كنا بنطلع البحر مع الاهل وانا بالسياره ابي اعدل الميك اب اطلع المرايه واشوف وجهييي والله يابنات ماقدرت اصدددددق انها بشرررررتي !!!!! معدوممممه معدومه والمسام واسعه وحفرررر مكان الاثار قعدت اصييييييح بالسياره وقلت برجع البيت مابي احد يشوف وجههههي !!!!!
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وارجع البيت وارمي كل الكريمات لاشعووووري بالزبااااااله !!! وقلت خلاص مابي شي لوجههههي ومن فتره كنت اتكلم مع دكتور يصير لي قال لي انتبهههي انتبهي من الكريمات والاشياء هاذي حقت البشره كلها مواد كيمائيه تخرب البشره بعدين !!! وماكنت مهتمه لكلامه بعدين استوعبت والله .. المهم تخلصت من كل الكريمات وقمت تبحث عن خلطات طبيعيه لوجهي وللمسام وطحت على اشياء الله ويوفق ويسعد اللي كانو كاتبينها ويكتب لهم الخيرر والله بديت ارجع احب بشررتي بفضل الله ثم فضلهم
المهم الروتين اليومي اللي خلا بشرتي ترجع زي قبل بنسبة 50٪ بثلاث ايام بسسسس !!
الصبح اول ما اصحى من النوم افرك وجهي بمكعب ثلج شاي اخضر
بعدين ابخ عليه مغلي البقدونس مع ماي الورد واحط بعدين لمى ينشف بودرة اطفال على كل بشرتي
وبعد المغرب امسك قطنة اعصر عليها ليمون وفوقها اكب سكر وامشيها على بشرتي بشكل دائري لطيف
بعدين اغسل وكهي بماي بارررد وامسك طماطة شريحه وادهن عصيرها على بشرتي سااعه كامله بعدين امسك منشفه فيها مويه دافية وامسح بشرتي بدون غسيل بعدين اخذ مرطب وانا استخدم مرطب الصبار المسائي من بودي شوب للبشرة الحساسة
بس المهمممممم :::
الرياضه
شرب الماي 8 كاسات
واشرب شاي اخضر كوبين باليوم
وهمممم حاجه ما اكل دهون ولا شوكليت ولا مكسرات ابببببد
والله والله ان بشرررتي بدت ترجع بشكل حلووو مررره وحتى نفسيتي صايره حلوه من النتايج بس يبيلها صبر واعتماد وتوكل على الله وانا مرره مبسوطه اني تخلصت من كل كريماتي الطبيه اللي تخررب البشرة حسبي يالله ولجأت للطبيعه اللي لو مافادت ماتضرر
وفيه شي بعد مهم اكل الفواكه والخضار واهم شي البرتقال لانه يحتوي على فيتامين (ج) اللي مهم حدا بتكوين انسجة البشرة من جدية ولازم يوميا 70 غرام من هالفيتامين اللي موجود ببرتقاله وحده !
وبسسسس !!والحين انا مبسوطة الحمدلله صحيح باقي 50٪ من بشرتي بس ماشاءلله حلووه صايره فيها حبتين وكم اثر يروحون باذن الله ومل يوم اثاري تفتح اكثرررر واكثررر
نصيحه نصيحه يابنات ابيكم تبعدون عن كل الخلطات الطبيه والكريمات الطبيه اللي تخرب البشرة بعد عمررر وتلجأون للطبيعه وتتوكلون على الله
وبكتب لكم الوصفات بعد شوي حق مغلي البقدونس ومعكبات الثلج
__________________________________________________ __________
>>>> الرد الثاني :
__________________________________________________ __________
>>>> الرد الثالث :
جزاك الله خير
__________________________________________________ __________
>>>> الرد الرابع :
يعطيك العافيه اختي علي طرح تجربتك
مجهود رائع تشكرين عليه ولكي مني احلي تقييم
__________________________________________________ __________
>>>> الرد الخامس :
يعطيك العافيه علي الطرح ) ...
ب إنتظآر جديدك وعذب أطروحآتك...)
إحترآمي وتقديري...)
كانت هنــــــــــــ نعہ_ـومہ_ـه ¶coobra¶ ـــــــــــــــأ
رد مع اقتباس
